rKTs

e-texts navigator

Volume

Page

185a₁ ste/ yang dag par mthong bas mnyam par mthong ngo / /'jig rten gyi khams mtha' yas mu med pa dag na 'khod pa'i sems can gang dag sems can du bsdu bas bsdus pa'i sems can dmyal ba 'am/ dud 'gro 'am/ yi dags sam/
185a₂ lha ma yin nam/ lha 'am/ mi yang rung ste/ gzugs med pa na spyod pa ma gtogs par de dag thams cad kyi 'chi 'pho dang / skye ba dang / kha dog bzang po dang / kha dog ngan pa dang / bde 'gro 'am/ ngan 'gro 'am/ bzang po rnams mthong zhing sems can de dag gi snang ba tsam
185a₃ du rab tu shes so/ /gzugs su snang ba de dag thams cad kyang las kyi rnam par smin par thams cad kyang rab tu shes shing khong du chud do/ /de sems can rnams mthong zhing las kyi rnam par smin pa rab tu shes kyang bdag med pa'i mtha' tshad mar byas nas sems can
185a₄ rnams la sems can gyi 'du shes su mi 'gyur ro/ /de lha'i mig des gzugs su gtogs pa thams cad mthong ste/ dngos po med pa nyid kyis phyir gzugs su snang ba de dag thams cad kyang sngon gyi mtha' skye ba med pa'i phyir yang dag pa ma yin par rab tu shes
185a₅ la/ lha'i mig sgrib pa med pa de mngon par sgrub pa ma yin no/ /de shes rab kyi stobs dang ldan pas 'dod na gzugs nye bar 'khor du gyur pa dang mtshungs par yang mthong bar 'gyur/ 'dod na mi mthong bar yang 'gyur/ de 'dod na gzugs cung
185a₆ zad kyang yong ye mig sngar snang bar mi 'gyur ro/ /de srog chags 'bum phrag du ma'i nang na 'dug kyang bsam gtan dang / rnam par thar pa dang / ting nge 'dzin dang / snyoms par 'jug pa rnams kyis gnas te/ sems can gang yang de'i mig lam du
185a₇ snang bar mi 'gyur ro/ /de ci'i phyir zhe na/ 'di ltar byang chub sems dpa' des bdag med pa'i de kho na shes pa'i phyir ro/ /de 'dod na gzugs na spyod pa'i lha'i lus phra ba/ lus bzang ba/ lus 'od gsal ba/ lus mi snang ba/ gang dag yin pa'i lha
185a₈ de dag gi mdun na yang byang chub sems dpa' rang gi lus nye bar ston to/ /lha'i bu de dag gis kyang de'i lus mthong / des kyang de dag gi lus mthong ngo / /'dod na de'i lus lha rnams kyis mthong la/ rang gi lus mi mthong ngo / /de 'dod

_{iiif viewer powered by OpenSeadragon}

184b - 185b

Texts on this page