rKTs

e-texts navigator

Volume

Page

183b₁ mnyam pa nyid 'di rnams mi spongs ba gang yin pa'i mnyam pa nyid de bstan pa'i phyir sems can rnams la chos 'chad par 'dod do/ /grogs po yang dag par 'jug pa 'di ni 'dod pa'i khams su 'jug pa ma yin/ gzugs kyi khams su 'jug pa
183b₂ ma yin no/ /gzugs med pa'i khams su 'jug pa ma yin no/ /gang dag mnyam pa nyid la gnas pa dag ni chos nyid las mi g.yos/ rnam par mi g.yo/ 'gro bar mi byed/ mi 'gro bar mi byed do/ /grogs po 'di dag ni yang dag par 'jug pa zhes bya'o/ /de bzhin nyid 'jug pa gang yin pa chos thams cad
183b₃ kyi 'jug pa yang de yin no/ /chos kyi dbyings kyi 'jug pa gang yin pa chos thams cad kyi 'jug pa yang de yin no/ /yang dag pa'i mtha'i 'jug pa gang yin pa chos thams cad kyi 'jug pa yang de yin no/ /'jug pa de lta bu 'dod pa gang yin pa de ni 'dod
183b₄ pa yang med/ 'jug pa yang med par yang dag par rjes su mthong zhing mngon par zhen par mi byed de/ grogs po 'di ni yang dag par 'jug pa zhes bya'o/ /de nas byang chub sems dpa' rdo rje'i lte ba la bdud rnam par gnon pas 'di skad ces smras so/ /dge slong khyod yang dag
183b₅ pa'i sbyor ba 'dis chos gang zhig rtogs/ smras so grogs po yang dag pa'i sbyor ba 'dis ni kho bos dam pa med pa'i chos rtogs so/ /lhags par byed pa med pa dang / rlom sems med pas kyang mnyam pa nyid rtogs par byas so/ /yang khyod kyi chos gang rtog shes gang
183b₆ de skad smras pa yang dag pa'i sbyor ba 'di ni rtog pas rab tu phye ba ma yin gyi yang dag pa'i sbyor ba 'di ni lhag pa'i nga rgyal med pa'o/ /yang dag pa'i sbyor ba 'di ni thob pas rab tu phye ba ma yin gyi yang dag pa'i sbyor ba 'di ni thob par rab tu phye ba dang bral ba ste/ yang dag pa'i
183b₇ sbyor ba 'dis chos gang yang rtog pa med do/ /yang dag pa'i sbyor ba zhes bya ba 'dis ni sbyor ba med pa'i tshig bla dgas so/ /de nas byang chub sems dpa' rdo rje'i lte ba la bdud rnam par gnon pas 'di skad ces smras so/ /dge slong khyod tshul khrims yang dag par blangs pa 'dis ci zhig
183b₈ thob par 'gyur/ smras pa/ rnam par gnon pa kho bo'i tshul khrims yang dag par blangs pa 'dis chos thams cad 'gag pa med do/ /skye ba med par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /smras pa/ byang chub mngon par rdzogs par byang

_{iiif viewer powered by OpenSeadragon}

183a - 184a

Texts on this page