| e-texts navigator |
| བོད་ཡིག |
183a1 grogs po gnas med pa zhes bya ba de ni smon pa med pa'i tshig bla dgas so/ /yang brtson 'grus rtsom pa 'di dang / tshul khrims la gnas pa 'di dang / chos 'phags pa la sbyor ba 'di dang / 'jug pa 'dis ci zhig 'dod/
183a2 chos rnam par gnon pa khyod kyis smras pa de gzugs skye bar mi 'dod/ 'gag par mi 'dod/ gnas par mi 'dod/ tshor ba dang / 'du shes dang / 'du byed rnams dang / rnam par shes pa skye bar mi 'dod/ 'gag par mi
183a3 'dod/ gnas par mi 'dod/ tshor ba dang / 'du shes dang / 'du byed rnams dang / rnam par shes pa skye bar mi 'dod/ 'gag par mi 'dod/ gnas par mi 'dod/ chos thams cad kyang skye bar mi 'dod/ 'gag par mi 'dod/ gnas
183a4 par mi 'dod do/ /rnam par gnon pa 'jug pa gang gzugs so sor mi 'dzin pa dang / tshor ba dang / 'du shes dang / 'du byed rnams dang / rnam par shes pa yongs su mi 'dzin pa de 'dod cing de la blta'o/ /rnam par gnon pa 'phags pa
183a5 rnams kyi 'jug pa gang yin pa de kho bo'i 'jug pa'o/ /smras pa/ dge slong ji ltar 'jug /smras pa/ rnam par gnon pa so so'i skye bo'i chos gang dag yin pa dang / sangs rgyas kyi chos gang dag yin pa de dag thams cad mnyam
183a6 zhing gnyis su med pa dang / slob pa'i chos gang dag yin pa dang / sangs rgyas kyi chos gang dag yin pa de dag mnyam zhing gnyis su med pa dang / mi slobs pa'i chos gang dag yin pa dang / sangs rgyas kyi chos gang dag yin pa
183a7 de dag mnyam zhing gnyis su med pa dang / rang sangs rgyas kyi chos gang dag yin pa dang / sangs rgyas kyi chos gang dag yin pa de dag mnyam zhing gnyis su med pa dang / 'das pa'i chos gang dag yin pa dang / ma 'ongs pa'i chos gang dag
183a8 yin pa dang / da ltar byung ba'i chos gang yin pa de dag mnyam zhing gnyis su med pa de ni skye ba med pa mnyam pa nyid kyis mnyam pa dang / 'byung ba med pa mnyam pa nyid kyis mnyam pa dang / 'gag pa med pa mnyam pa nyad kyis mnyam pa ste/
iiif viewer powered by OpenSeadragon
Texts on this page
J111 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo