| e-texts navigator |
| བོད་ཡིག |
182b1 gyi chos thams cad ma rnyed pa las byin gyis brlabs 'di yod par gyur to/ /grogs po byin gyis brlabs 'di ni lus dang / ngag dang / sems la gnas pa las gyur pa ma yin gyi chos thams cad la mi gnas pa las byin gyis brlabs 'di yod par gyur to/ /
182b2 grogs po byin gyis brlabs 'di ni mtshan mar 'dzin pa las gyur pa ma yin gyi mtshan ma med pa las byin gyis brlabs 'di yod par gyur to/ /byin gyis brlabs 'di ni chos gang la yang gnas shing gnas pa med pa las byin gyis brlabs 'di yod par
182b3 gyur to/ /de nas byang chub sems dpa' rdo rje'i lte ba la bdud rnam par gnon pas 'di skad ces smras so/ /dge slong khyod kyi sems la kho bos lo stong du ltas na khyod kyi sems kyi rgyu ba ma mthong ngo / /de nas dge slong rdo rje'i lte bas 'di skad ces smras
182b4 so/ /gal te grogs po khyod kyis bskal pa gang ga'i klung gi bye ma snyed du spyod cing sems yongs su bltas su zin kyang rnyed par mi 'gyur ro/ /de ci'i phyir zhe na/ 'di ltar sems ni nang nas kyang mi rnyed/ phyi rol nas kyang mi rnyed/ gnyis ga
182b5 med par yang mi rnyed pa'i phyir ro/ /grogs po khyod kyi sgyu ma mkhan gyi sprul pa la sems kyi rgyu ba rnyed dam/ smras pa/ dge slong de ni mi rnyed do/ /sgyu ma mkhan gyis sprul pa la sems kyang med/ sems dpa' yang med na de ga la rnyed/ smras pa/
182b6 grogs po chos thams cad ni sgyu mar sprul pa'i ngo bo nyid du de bzhin gshegs pas bshad de/ de'i phyir de la sems dang sems pa mi rnyed do/ /smras pa gal te dge slong khyod sems sam sems pa mi rnyed na khyod ji ltar 'gro ba 'am/ 'ong ba dang / tshig tu smra bar byed/
182b7 smras pa 'di lta ste dper na sgyu ma mkhan gyis sprul pa'i mi 'ong ba dang / 'gro ba dang / tshig smra bar byed pa ltar kho bo'i 'ong ba dang / 'gro ba dang / tshig smra bar yang de dang 'dra'o/ /smras pa dge slong khyod brtson 'grus rtsom pa 'di dang / tshul khrims la gnas pa 'di
182b8 dang / chos 'phags pa la sbyor ba 'di dang / 'jug pa 'dis ci zhig 'dod/ smras pa/ gnas med pa 'dod do/ /smras pa/ gnas med pa ji ltar 'dod/ smras pa/ de la 'gro ba med pas 'gro ba 'am 'gro bar 'gyur ba gang yang med de/
iiif viewer powered by OpenSeadragon
Texts on this page
J111 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo