rKTs

e-texts navigator

Volume

Page

181b₁ mi byed pa de ni tshul khrims so/ /gang tshul khrims des bdag la mi stod pa dang gzhan la mi smod pa de ni tshul khrims so/ /gang skye mched rnams la mngon par dga' ba med pa de ni tshul khrims so/ /gang yul la mi 'phro ba de ni tshul khrims so/ /gang phung po rnam
181b₂ chos kyi phung po dang mnyam pa nyid de ni tshul khrims so/ /gang khams rnams chos kyi dbyings dang mnyam pa nyid de ni tshul khrims so/ /gang rtsod pa dang 'thab pa med pa gtso bor gyur pa de ni tshul khrims so/ /gang dge ba'i chos rnams la brtson pa mi gtong ba
181b₃ de ni tshul khrims so/ /gang chos thams cad shin tu zhi ba dang rab tu zhi bar shes shing rab tu shes te lus kyis bsgrub nas gnas pa de ni tshul khrims so snyam mo/ /rnam par 'phrul pa'i rgyal po de ltar byang chub sems dpa' rdo rje'i lte ba tshul khrims la
181b₄ rab tu gnas pa de lta bu dang ldan zhing chos 'phags pa la sbyor ba 'di dang / phyin ci ma log par tshul bzhin yid la byed pa 'di la gnas shing dge slong de tshul khrims la gnas pa de dang / chos 'phags pa la sbyor ba de dang / tshul khrims yid la byed
181b₅ pa de rtsom zhing 'chag sa na 'chag pa dang / bdud kyi bu rnam par gnon pa zhes bya ba 'khor dang bcas pa bdud brgyad khri bzhi stong thams cad kyang dpung dang g.yog 'khor du bcas pa thams cad kyang go mtshon dang bcas pa sha stag dang lhan cig tu bgegs kyi
181b₆ las byed par 'ongs te/ lus phra mor byin gyis brlabs nas lus mi snang bar byas te/ dge slong de'i sems kyi spyod pa la glags lta zhing lo stong du rjesu 'brang bar gyur to/ /des lo stong du yang dge slong de'i sems rnam par g.yeng ba gang gis sdang bar
181b₇ 'gyur ba dang / 'tshe bar 'gyur ba de lta bu'i sems rnam par g.yeng ba'i sems skye ba gcig kyang ma mthong ngo / /de nas bdud kyi bu rnam par gnon pa lo stong 'das nas g.yog 'khor dang bcas te/ lus chen po mngon par bstan nas ral gri dang /
181b₈ mda' gzhu dang / mdung thung dang / mda' bo che lag na thog pa rnams kyis dge slong de'i mdun du 'jig pa ston par gyur to/ /dge slong rdo rje'i lte bas bdud kyi 'khor chen po ral gri dang / mda' gzhu dang / mdung thung dang / mda' bo che thogs pa

_{iiif viewer powered by OpenSeadragon}

181a - 182a

Texts on this page