rKTs

e-texts navigator

Volume

Page

179b₁ rnam par 'phrul pa'i rgyal po la 'di skad ces bka' stsal to/ /rnam par 'phrul pa'i rgyal po legs so/ legs so/ /rnam par 'phrul pa'i rgyal po khyod de bzhin gshegs pa la don de lta bu dri bar sems pa yang legs so/ /
179b₂ rnam par 'phrul pa'i rgyal po de'i phyir legs par rab tu nyon la yid la zung shig dang / ji ltar na byang chub sems dpa' sems dpa' chen po rnams theg pa chen po 'di la rnam par 'phrul pa dang / theg pa chen po 'di la sems can gzhan dag
179b₃ dang / gang zag gzhan dag 'dod par byed pa dang / rnam par 'phrul pa des kyang bdud thams cad dang / lhag pa'i nga rgyal can thams cad dang / phas kyi rgol ba thams cad dang / dmigs par lta ba la mngon par zhen pa thams cad tshar bcad nas
179b₄ theg pa chen po 'di la 'god par byed pa dang / smon lam phun sum tshogs par 'gyur ba dang / 'di lta ste/ bla na med pa yang dag par rdzogs pa'i byang chub la brtul zhugs grub par 'gyur ba ngas bshad do/ /bcom ldan 'das lags so zhes
179b₅ gsol nas byang chub sems dpa' rnam par 'phrul pa'i rgyal pos bcom ldan 'das kyis ltar nyan pa dang / bcom ldan 'das kyis 'di skad ces bka' stsal to/ /rnam par 'phrul pa'i rgyal po bzhi po 'di dag ni byang chub sems dpa' rnams kyi
179b₆ rnam par 'phrul pa ste/ bzhi gang zhe na/ 'di lta ste/ tshul khrims kyi rnam par 'phrul pa dang / mngon par shes pa'i rnam par 'phrul pa dang / shes pa'i rnam par 'phrul pa dang / shes rab kyi rnam par 'phrul pa ste/ rnam par 'phrul pa'i rgyal
179b₇ po bzhi po de dag ni byang chub sems dpa' rnams kyi rnam par 'phrul pa'o/ /rnam par 'phrul po'i rgyal po de la tshul khrims kyi rnam par 'phrul pa gang zhe na/ rnam par 'phrul pa'i rgyal po de la byang chub sems dpa' tshul khrims phun sum tshogs pa
179b₈ yin te/ ma ral ba'i tshul khrims dang / ma zhig pa'i tshul khrims dang / ma 'dres pa'i tshul khrims dang / rnyog pa med pa'i tshul khrims dang / dmigs pa med pa'i tshul khrims dang / gnod pa med pa'i tshul khrims dang / ma smad pa'i

_{iiif viewer powered by OpenSeadragon}

179a - 180a

Texts on this page