| e-texts navigator |
| བོད་ཡིག |
179a1 las rtsams te chos ston to/ /de nas byang chub sems dpa' sems dpa' chen po rnam par 'phrul pa'i rgyal po stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te bcom ldan
179a2 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra
179a3 bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ /de skad ces gsol pa dang / bcom ldan 'das kyis byang chub sems dpa' rnam par 'phrul pa'i rgyal po la 'di skad ces bka' stsal to/ /rnam par
179a4 'phrul pa'i rgyal po la dri ba lan gdab pa'i phyir de bzhin gshegs pas khyod la skabs phye bas rnam par 'phrul pa'i rgyal po khyod ci dang ci 'dod pa dris shig dang / ngas khyod kyi dri ba de dang de'i lung bstan pas khyod kyi sems rangs par bya'o/ /de ltar
179a5 bcom ldan 'das kyis byang chub sems dpa' rnam par 'phrul pa'i rgyal po la skabs phye ba dang tshim zhing mgu la yi rangs te dga' ba dang bde ba dang yid bde ba skyes nas bcom ldan 'das la 'di skad ces gsol to/ /bcom ldan 'das ji ltar
179a6 na byang chub sems dpa' sems dpa' chen po rnams theg pa chen po 'di la rnam par 'phrul pa dang / theg pa chen po 'di la sems can gzhan dag dang / gang zag gzhan dag 'tshal bar bgyid pa dang / rnam par 'phrul pa des kyang bdud
179a7 thams cad dang / lhag pa'i nga rgyal can thams cad dang / phas kyi rgol ba thams cad dang / dmigs pa lta ba la mngon par zhen pa thams cad tshad bkum nas theg pa chen po 'di la 'god par bgyid pa dang / smon lam phun sum tshogs
179a8 par 'gyur ba dang / 'di lta ste/ bla na med pa yang dag par rdzogs pa'i byang chub la brtul zhugs grub pa yongs su rdzogs par 'gyur ba lags/ de skad ces gsol pa dang / bcom ldan 'das kyis byang chub sems dpa'
iiif viewer powered by OpenSeadragon
Texts on this page
J111 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo