rKTs

e-texts navigator

Volume

Page

174b₁ bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/ ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis
174b₂ chos kyi rnam grangs 'di byang chub sems dpa' nges par 'byung ba zhes bya bar zung shig / bde byed kyis zhus pa zhes bya bar yang zung shig /kun dga' bo ngas chos kyi rnam grangs 'di khyod la gtad de/ gzung ba dang / bklag pa dang / bshad pa
174b₃ dang / gzhan dag la rgya cher yang dag par rab tu bstan par bya ba'i phyir yongs su gtad do/ /de ci'i phyir zhe na/ kun dga' bo rigs kyi bu 'am/ rigs kyi bu mo theg pa chen po la yang dag par zhugs pa gang gis shes rab kyi pha rol tu phyin
174b₄ pa ma gtogs par pha rol tu phyin pa lnga po dag la bskal pa bcur spyad pa bas/ rigs kyi bu 'am/ rigs kyi bu mo gang zhig chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / gzhan
174b₅ dag la yang rgya cher yang dag par rab tu ston pa dang / tha na glegs bam du byas te 'chang ba de ni de bsod nams ches mang du skyed pa'i phyir ro/ /de nas bcom ldan 'das kyis de'i tshe tshigasu bcad pa 'di dag bka' stsal to/ /gang zhig tshul
174b₆ 'di ma thos par/ /bskal pa bcur ni sbyin byin yang / /bla na med pa'i sbyin pa zhes/ /de ni bsngags par mi 'gyur ro/ /gang zhig bskal pa bcu rnams su/ /'jig rten pa yi tshul khrims srung / /de ni dmigs la gnas pas na/ /
174b₇ tshul khrims de ni dag mi 'gyur/ /gang zhig sangs rgyas kyis bsngags pa'i/ /mdo sde zab mo 'di 'dzin pa/ /tshul khrims de ni bla na med/ /sangs rgyas kun gyis bsngags pa yin/ /gang 'dir bskal pa bcu rnams su/ /
174b₈ bzod pa smra ba'i mir gyur la/ /gshe bar byed pa'i srog chags rnams/ /kun la bzod par byed gyur kyang / /'di ni tshul 'di ma thos na/ /bzod pa de ni bsngags ma yin/ /gang zhig mdo sde 'di 'dzin cing / /gzhan dag la yang rab ston na/ /

_{iiif viewer powered by OpenSeadragon}

174a - 175a

Texts on this page