rKTs

e-texts navigator

Volume

Page

171b₁ kun dga' ra ba ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal nas phyogs gcig tu 'dug go/ /de nas shAkya'i bu bde byed bcom ldan 'das ga la ba de legs
171b₂ su thal mo sbyar ba btud de/ bcom ldan 'das la 'di skad ces gsol to/ /bcom ldan 'das byang chub sems dpa' chos du dang ldan na bla na med pa yang dag par rdzogs pa'i byang chub las phyir mi ldog par 'gyur/ tshegs chung ngus kyang
171b₃ skyes bu chen po'i mtshan sum bcu rtsa gnyis mngon par sgrub par bgyid/ sangs rgyas kyi zhing nas sangs rgyas kyi zhing du mchi bar bgyid/ rmongs pa ma mchis par 'gum pa'i dus bgyid par 'gyur/ skyes nas kyang mngon par
171b₄ shes pa lnga dang ldan par 'gyur/ mi khom pa thams cad rnam par spangs shing khom pa 'byor pa thob par 'gyur/ gzungs kyang thob par 'gyur/ spobs pa thogs pa ma mchis pa dang yang ldan par 'gyur/ phyir mi ldog pa'i
171b₅ chos dang ldan zhing stong pa nyid la lhag par mos par yang 'gyur/ rtag tu rab tu 'byung ba la mngon par dga' bar 'gyur/ khyim na gnas kyang rtag tu tshangs par spyod pa la mngon par dga' bar 'gyur lags/ de skad ces
171b₆ gsol pa dang / bcom ldan 'das kyis shAkya'i bu gzhon nu bde byed la 'di skad ces bka' stsal to/ /rigs kyi bu khyod de bzhin gshegs pa la don 'di yongs su zhu bar sems pa ni rigs kyi bu khyod skye bo mang po la phan pa dang / skye bo mang
171b₇ po la bde ba dang / 'jig rten la snying brtse ba dang / skye bo phal po che'i don dang / lha dang mi rnams la phan pa dang bde ba'i phyir zhugs pa yin te/ legs so legs so/ /de'i phyir rigs kyi bu khyod legs par rab tu nyon la
171b₈ yid la zung shig dang ngas khyod la bshad do/ /byang chub sems dpa' chos bzhi dang ldan na ji skad smos pa'i yon tan de dag rjesu 'thob ste/ bzhi gang zhe na/ rigs kyi bu 'di la byang chub sems dpa' bzod pa'i stobs dang ldan zhing bzod pa

_{iiif viewer powered by OpenSeadragon}

171a - 172a

Texts on this page