| e-texts navigator |
| བོད་ཡིག |
162a1 byang chub shing dag sprul nas su/ /de'i drung seng ge'i khri bshams la/ /stong phrag bye ba nyi shu lnga/ /de rnams la ni 'khod gyur pa/ /lo ni bye ba grangs snyed par/ /bgrang ba dag tu mi chod pa'i/ /byang chub sems dpa' thams cad
162a2 ni/ /bye ba brgya phrag lhags par gyur/ /shar gyi phyogs nas bzung nas su/ /lho phyogs nub phyogs byang phyogs dang / /'og dang steng dang de bzhin du/ /phyogs dag gi yang mtshams nas lhags/ /ji tsam mig gis mthong ba'i bar/ /
162a3 de srid 'jig rten khams rnams su/ /skyob pa 'jig rten mgon po yi/ /gser gyi mdog 'dra'i 'od kyis gang / /ston pa gang na bzhugs pa dang / /chos ni gang na 'bar ba der/ /'jig rten khams ni thams cad nas/ /byang chub sems
162a4 dpa' nye bar lhags/ /de ltar mtha' yas dpag tu med/ /bsam gyis mi khyab mchod pa ni/ /rin chen dra ba li tsha bi/ /gzhon nu de yi tshe na byas/ /de nas bdag nyid chen po pa/ /lha dang klu dang mi rnams kyis/ /mdun du mi mchog
162a5 shAkya'i/ /seng ges dbugs ni 'byin par mdzad/ /nga yi mdun du 'dug nas su/ /khyod kyis 'di 'dra'i mchod byas pa/ /gang gA'i bye ma ji snyed pa/ /de snyed mchod pa dag gis mchod/ /rin chen dra ba can gyi phyir/ /mdo sde
162a6 bshad pa sus rig pa/ /byang chub las ni mi ldog ste/ /sangs rgyas smra ba'i mchog tu 'gyur/ /gang zhig mdo sde 'di 'dzin pa'i/ /bsod nams phung po'i tshad dag ni/ /'di snyed sogs par 'gyur ro zhes/ /de ltar bshad par mi
162a7 nus so/ /phyogs bcu'i 'jig rten sa dang chu/ /me dang rlung gi tshad dag ni/ /'di tsam zhes ni bshad par nus/ /bsod nams phung po bshad mi nus/ /dge slong ngam ni dge slong ma/ /dge bsnyen 'am ni dge bsnyen ma/ /gang gis mdo sde
162a8 'di thos nas/ /lha dang klu dang lto 'phye che/ /sems can thams cad nyer lhags pas/ /de yi gzi brjid mi bzod de/ /me ni bsil bar 'gyur srid kyi/ /de yi gzi brjid nyams pa med/ /mdo sde 'di ni gang 'dzin pa/ /byang chub
iiif viewer powered by OpenSeadragon
Texts on this page
J107 - 'phags pa rin chen dra ba can gyis zhus pa zhes bya ba theg pa chan po'i mdo