rKTs

e-texts navigator

Volume

Page

161b₁ rdzogs sangs rgyas la 'thor bar byed/ /brgya byin bye ba phrag stong dag /mkha' la gnas nas 'dzam bu'i/ /chu bo'i gser phye mang po yis/ /de bzhin gshegs la 'thor bar byed/ /tshangs pa bye ba nyer lhag nas/ /tsan dan dmar po'i phye ma yis/ /
161b₂ rdzogs sangs rgyas la 'thor byed cing / /sgra dbyangs snyan pa kun tu sgrogs/ /dri ma med pa'i 'od rig nas/ /namakha' la ni lha 'khod do/ /glu dbyangs dpag tu med pa len/ /mkha' la ras kyis g.yob par byed/ /namakha' la ni lha 'khod de/ /
161b₃ pad ma brgya phrag stong blangs nas/ /'jig rten gsal la bstod byed cing / /rgyal mtshan la sogs mchod pa byed/ /zla med rgyal mchog thub dbang la/ /rab tu yid dgas phyag 'tshal zhing / /bstod byed nor bu rin chen dang / /mu tig rgyan phreng
161b₄ 'thor bar byed/ /mi ni bye ba 'bum tham pa/ /rgyal mchog zla med pa la mchod/ /sngon gyi gnas brgya rjes dran zhing / /thub mchog bla med mgos phyag 'tshal/ /de nas 'jig rten snang mdzad pas/ /chos kyi rnga ni rab brdungs te/ /de yid sgra
161b₅ ni zhing rab mong / /bye ba dag tu go bar byas/ /de yi tshe na sems can na/ /bye ba grangs med kun nas lhags/ /de dag rdzogs pa'i sangs rgyas kyis/ /sangs rgyas ye shes bla med bkod/ /de tshe gzhon nu dga' gyur nas/ /tsan dan sbrul gyi snying po yi/ /
161b₆ gdan 'bul rin chen phye ma yis/ /gzhon nu sangs rgyas gtso la mchod/ /nor bu rin chen 'od gcig ni/ /'jig rten stong du gtong bar byed/ /rin chen gcig las 'od zer ni/ /stong phrag bye bar gtong bar byed/ /de bzhin rin chen ma lus las/ /'od zer
161b₇ dag ni byung bar gyur/ /de dag gis ni de yi tshe/ /yangs pa can yang snang bar byes/ /rin chen rnam pa de snyed kyis/ /sangs rgyas gtso la mchod byed cing / /rin po che yi phung po yang / /thub pa che la 'bul bar byed/ /gdugs ni gang dag mu khyud
161b₈ byas/ /mu tig phreng gis yongs brgyan pa/ /re re la yang mu khyud can/ /stong phrag nyi shu rtsa lnga'o/ /'di 'dra'i legs pa de yi ni/ /thub pa che la mchod pa byas/ /byang chub sems dpa' thams cad la/ /gseng thag kyi ni gos phul lo/ /

_{iiif viewer powered by OpenSeadragon}

161a - 162a

Texts on this page