rKTs

e-texts navigator

Volume

Page

159b₁ grangs med pas yang dag par rab tu gnas pa zhes bya ba zhig bzhugs te 'tsho zhing gzhes la chos kyang ston to/ /gzhon nu theg pa chen po la yang dag par gnas pa'i rigs kyi bu 'am/ rigs kyi bu mo gang la la zhig de bzhin gshegs pa
159b₂ brtson 'grus grangs med pas yang dag par rab tu gnas pa zhes bya ba de'i mtshan thos nas som nyi mi za la nga mthong ba la yang yid ches na 'das pa'i 'og tu nams kyang brtson 'grus dman par mi 'gyur/ nams kyang 'dod pa la sten par mi 'gyur/
159b₃ nams kyang ma'i sdug bsngal gyis gos par mi 'gyur/ pha'i sdug bsngal dang / gnyen gyi sdug bsngal dang / spun gyi sdug bsngal gyis gos par mi 'gyur/ sring mo'i sdug bsngal gyis gos par mi 'gyur/ nams kyang mdza' bo dang / bshes gnyen dang / blon
159b₄ po dang / snag gi gnyen 'tshams kyi sdug bsngal gyis gos par mi 'gyur/ nams kyang skyes bu chen po'i mtshan sum bcu rtsa gnyis kyis lus ma brgyan par mi 'gyur/ nams kyang 'dod chags dang zhe sdang dang gti mug mang bar mi 'gyur/ nams kyang nad
159b₅ mang bar mi 'gyur/ nams kyang mya ngan mang bar mi 'gyur/ bde ba mtha' yas pa yongs su bzung bar 'gyur/ byang chub la thug gi bar du yon tan mtha' yas pa bye ba khrag khrig 'bum phrag grangs med pas yongs su bzung bar 'gyur ro/ /de nas
159b₆ bcom ldan 'das kyis don 'di nyid tshigasu bcad pas bka' stsal pa/ gang zhig 'jig rten mgon po'i mtshan/ /thos nas som nyi mi za ba/ /nams kyang pha ma gnyen 'dun gyi/ /tshogs kyi sdug bsngal mi mthong ngo / /steng gi
159b₇ phyogs na rkang gnyis mchog / 'jig rten snang bar mdzad pa bzhugs/ /srid gsum gsal bar mdzad nas su/ /srog chags rnams la chos ston to/ /rdzogs sangs rgyas pa'i mtshan thos nas/ /de ni gzhan rnams rab bstan na/ /
159b₈ rtag tu sum bcu rtsa gnyis kyi/ /mtshan dag gis ni brgyan par 'gyur/ /gang zhig thub pa'i mtshan 'dzin na/ /de ni shes rab mi nyams shing / /byang chub spyad pa spyod pa'i tshe/ /byang chub sems dpa' la yang mchod/ /sangs rgyas kyi ni mtshan bstan

_{iiif viewer powered by OpenSeadragon}

159a - 160a

Texts on this page