rKTs

e-texts navigator

Volume

Page

158a₁ mi skye la ngas mthong ba la yang yid ches na/ de tshe 'das pa'i 'og tu bud med kyi dbang po rnam par spangs par 'gyur zhing skyes pa'i dbang po 'thob par 'gyur/ sems can mang po bla na med pa yang dag par rdzogs pa'i byang chub tu yang dag par 'jog par
158a₂ 'gyur/ dbyangs snyan ldan zhes bya ba'i ting nge 'dzin kyang thob par 'gyur/ bla na med pa yang dag par rdzogs pa'i byang chub las phyir mi ldog par yang 'gyur ro/ /de nas bcom ldan 'das kyis de'i tshe tshigasu bcad pa 'di dag bka' stsal
158a₃ to/ /gang zhig rkang gnyis dam pa de yi mtshan/ /thos nas nams kyang som nyi mi za ba/ /bskal pa bye ba gang ga'i bye ma snyed/ /des spangs mya ngan med pa'i skyes par 'gyur/ /gang gA'i bye snyed sangs rgyas du ma dag /mthong nas de dag
158a₄ la ni mchod par byed/ /de snyed sangs rgyas de yi tshe gcig gis/ /sangs rgyas mchod nas rgyal ba mya ngan 'da'/ /byang chub dam pa spyod mchog spyod pa na/ /gang gis skyes bu khyu mchog mtshan thos nas/ /nams kyang som nyi med cing 'dzin
158a₅ byed na/ /de 'dra'i khyad par de yis 'thob par 'gyur/ /gang gi mtshan mchog gtso bo 'di/ /thos nas som nyi mi za ba/ /rang byung ye shes sangs rgyas nyid myur zhing / /mkhas pas dbyangs snyan ting 'dzin thob par 'gyur/ /byang chub dam pa
158a₆ spyad mchog spyod pa na/ /dag pa'i bdag nyid skyes pa'i dbang po thob/ /yon tan kun dang ldan zhing mdzes pa ste/ /de 'dra'i khyad par de yis thob par 'gyur/ /phyogs rnams kun ni rab tu snang byed cing / /sa ya mtha' yas zhing du song nas
158a₇ su/ /'jig rten spyod pa thub pa che mthong nas/ /mya ngan bral te byang chub phyis rig 'gyur/ /thub dbang chen po de bzhin gshegs pa ni/ /de yi mtshan 'dir thos nas rdzu 'phrul mchog /de 'dra'i khyad par dag ni thob par 'gyur/
158a₈ byang chub 'dod pa gzhan yang thob pa ni/ /dri bral byang chub 'dun pa bskyed nas su/ /rgyal ba'i mtshan 'di gzhan la'ang sgrogs par byed/ /zla ba'i dkyil 'khor rab tu gsal ba ltar/ /de yi yon tan dag kyang de 'drar 'gyur/ /sems can mang

_{iiif viewer powered by OpenSeadragon}

157b - 158b

Texts on this page