rKTs

e-texts navigator

Volume

Page

157b₁ snying por 'jog / rgyal srid rgyas shing shin tu lo legs dang / /de yi rgyal srid bde zhing sangs rgyas 'byung / /de dag la ni mchod pa dam pa byed/ /rgyal po bdag yul nams kyang sdang sems med/ /sangs rgyas mtshan mchog thos nas
157b₂ mkhas pa gang / /som nyi za zhing mi dga' su zhig yod/ /mdo sde dam pa de ring ngas bshad pa'i/ /chos mchog 'di yi de la phan 'dogs 'gyur/ /gzhan du gang gis sngon gyi rgyal rnams kyis/ /chos spangs gyur pa 'am bdud kyis zin pa 'am/
157b₃ sems can snying po rgyal ba mchog dag ni/ /sngon chad spyod tshe khyad du bsad ma gtogs/ /gzhon nu gang zhig rgyal po'i pho brang dang / /li tsha'i bkod pa dga' ba 'di dag dang / /shAkya seng ge nga ni ma mthong ba/ /de dag sangs rgyas mtshan thos som
157b₄ nyi za/ /gzhon nu byang phyogs logs na sangs rgyas kyi zhing 'di nas gzhon nu dpe snga ma lta bu de las sum gyur gyis sangs rgyas kyi zhing drug cu 'das pa na 'jig rten gyi khams rin chen dra bas g.yogs pa zhes bya ba yod de/ de na de bzhin gshegs pa
157b₅ dgra bcom pa yang dag par rdzogs pa'i sangs rgyas zla ba'i dkyil 'khor rnam dag ces bya ba bzhugs te/ 'tsho zhing gzhes la chos kyang ston to/ /gzhon nu theg pa chen po la yang dag par gnas pa'i rigs kyi bu 'am/ rigs kyi bu mo gang la la zhig
157b₆ de bzhin gshegs pa zla ba'i dkyil 'khor rnam dag de'i mtshan thos nas som nyi mi za zhing ngas mthong ba la yang yid ches na de'i tshe 'das pa'i 'og tu rin chen 'byung gnas zhes bya ba'i ting nge 'dzin thob par 'gyur/ gang gA'i klung gi bye ma snyed kyis sangs rgyas
157b₇ mthong bar 'gyur/ de snyed bskal pa bye bar 'khor ba las phyir phyogs par 'gyur/ las dang po pa'i byang chub sems dpa' de bla na med pa yang dag par rdzogs pa'i byang chub la reg par 'gyur/ dbyangs snyan ldan zhes bya ba'i ting nge 'dzin kyang thob par 'gyur/ bla na
157b₈ med pa yang dag par rdzogs pa'i byang chub las phyir mi ldog par yang 'gyur ro/ /bud med gang la la zhig bcom ldan 'das de bzhin gshegs pa zla ba'i dkyil 'khor rnam dag de'i mtshan thos nas som nyi mi za zhing the rtsom

_{iiif viewer powered by OpenSeadragon}

157a - 158a

Texts on this page