rKTs

e-texts navigator

Volume

Page

156a₁ gsob dang 'dra/ /thams cad stong zhing bdag med do/ /rtsod pa med cing rmongs med pa/ /de skad de bzhin gshegs pas gsungs/ /gzhon nu lho phyogs logs na gzhon nu dpe snga ma lta bu las nyis gyur gyi rdul pa mo'i rdul bgrangs
156a₂ pa'i tshul gyis sangs rgyas kyi zhing bcu gnyis 'das pa na de na zla bas brgyan pa zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas me tog gi 'od kyis rnam par rol pa mngon
156a₃ par mkhyen pa zhes bya ba bzhugs te 'tsho zhing gzhes la chos kyang ston to/ /gzhon nu byang chub sems dpa'i theg pa la yang dag par gnas pa'i rigs kyi bu 'am/ rigs kyi bu mo gang la la zhig bcom ldan 'das de bzhin gshegs pa me tog gi 'od kyis rnam
156a₄ par rol pa mngon par mkhyen pa de'i mtshan thos nas som nyi mi za la ngas mthong ba la yang yid ches na de tshe 'das pa'i 'og tu 'od zer rab tu gtong ba zhes bya ba'i ting nge 'dzin thob par 'gyur/ ting nge 'dzin gyi sgo bye ba khrag khrig 'bum phrag grangs med pa khrir 'jug
156a₅ par 'thob par 'gyur/ gzungs kyi sgo bye ba khrag khrig 'bum phrag grangs med pa drug bcu po rgya mtsho lta bu zhes bya ba'i gzungs la sogs pa nas rin po che'i mdzod kyi gzungs la thug pa'i bar la 'jug pa 'thob cing byang chub kyi mthar thug gi bar du de dag la rmongs par
156a₆ mi 'gyur ro/ /'chi ba'i dus kyi tshe shar phyogs nas sangs rgyas bye ba gshegs nas zhes ston par mdzad de/ phyogs thams cad nas kyang de dang 'dra'o/ /gang sangs rgyas bcom ldan 'das de dag gis chos gsung bar 'gyur ba de dag thams cad kyang 'dzin par
156a₇ 'gyur/ byang chub ma thob kyi bar du de'i chos kyi tshul de 'jig par mi 'gyur/ las dang po pa'i byang chub sems dpa' nas bzung nas bskal pa lnga brgyar 'khor ba las phyir phyogs par byas nas bla na med pa yang dag par rdzogs pa'i byang chub la reg par 'gyur ro/ /
156a₈ de nas bcom ldan 'das kyis de'i tshe tshigs su bcad pa 'di dag bka' stsal to/ /mi yi dbang po 'jig rten mgon/ /skyob pa yi ni mtshan thos pa/ /bskal pa lnga brgya tham pa yi/ /'khor ba dag ni bzlog par 'gyur/ /'chi ba dag gi dus tshe yang / /sangs rgyas

_{iiif viewer powered by OpenSeadragon}

155b - 156b

Texts on this page