rKTs

e-texts navigator

Volume

Page

153a₁ /de'i rgyal srid la yang sangs rgyas 'byung bar 'gyur zhing de bzhin gshegs pa de mthong nas kyang mchod pa dpag tu med pa byed par 'gyur/ tshangs par
153a₂ spyod par yang 'gyur/ mngon par shes pa lnga yang rtogs par khong du chud par 'gyur/ de bzhin gshegs pa mthong ma thag tu gzungs brgya 'khyil ba zhes bya ba 'thob par 'gyur/ gang gA'i klung gi bye ma snyed kyi sangs rgyas dag la bsnyen bkur byed par 'gyur/
153a₃ de snyed kyi bskal pa bye ba nyid du 'khor ba las phyir phyogs par byed par 'gyur/ de'i sems shin tu rmongs pa med cing bla na med pa yang dag par rdzogs pa'i byang chub tu 'gyur/ sred med kyi bu'i lus ltar mkhregs pa'i lus su 'gyur/ lus dbyibs gcig la spi dza
153a₄ bzhi par 'gyur/ de'i lus kyi mdog gser gyi kha dog 'dra bar 'gyur/ skyes bu chen po'i mtshan sum bcu rtsa gnyis kyis lus brgyan cing tshangs pa'i sgra dbyangs su yang 'gyur/ mi khom pa thams cad kyang spong zhing dal ba phun sum tshogs pa yang 'thob
153a₅ par 'gyur ro/ /de nas bcom ldan 'das kyis don 'di nyid rgyas par bstan pa'i phyir tshigs su bcad pas bka' stsal pa/ gang zhig 'jig rten mgon po'i mtshan/ /thos nas som nyi mi za zhing / /ngas mthong ba la 'ing yid ches pa/ /de ni yon
153a₆ gnas 'os pa yin/ /rtag tu 'khor los bsgyur ba yi/ /rgyal srid 'thob cing sangs rgyas mthong / /mthong nas dpag tu med pa dang / /bsam gyis mi khyab mchod pa byed/ /rtag tu tshangs par spyod pa dang / /mngon par shes rnams rtogs
153a₇ par 'gyur/ /sangs rgyas mthong nas brgya 'khyil ba'i/ /gzungs kyang de yis 'thob par 'gyur/ /ji ltar gang gA'i bye ma snyed/ /de snyed sangs rgyas mthong bar 'gyur/ /de snyed bskal pa bye ba ru/ /'khor ba dag ni spangs par 'gyur/ /gang zhig 'jig
153a₈ rten mgon po'i mtshan/ /tshogs dang dge 'dun dag la brjod/ /de yi sems ni mi rmongs shing / /sangs rgyas byang chub rgyu med do/ /rtag tu sred med bu 'dra zhing / /lus dbyibs gcig la spi dza bzhi/ /lus ni gser gyi mdog 'dra zhing / /sum bcu rtsa gnyis

_{iiif viewer powered by OpenSeadragon}

152b - 153b

Texts on this page