| e-texts navigator |
| བོད་ཡིག |
152a1 sems kyi bsam pas dri ma sel/ sems can thams cad chos dkar po la yang dag par bskul/ lhas kyang yongs su bzung bar 'gyur/ byang chub sems dpas kyang bsam par 'gyur/ de bzhin gshegs pas kyang byin gyis rlob par mdzad/
152a2 nam kyang sangs rgyas bcom ldan 'das rnams dang 'bral bar mi 'gyur/ rnam pa thams cad kyi mchog dang ldan pas byang chub sems dpa'i spyod pa dag kyang yongs su rdzogs par 'gyur/ sgra dbyangs kyi rnam pa stong phrag brgyad bcu rtsa
152a3 bzhi yongs su rdzogs par thob par 'gyur/ tshangs pa'i dbyangs su 'gyur/ 'jig rten gyi khams thams cad dang 'thun pa'i sgra dbyangs dang ldan pa lta bzhugs lags sam/ de skad ces gsol pa dang / bcom ldan 'das kyis li tsa
152a4 bi gzhon nu rin chen dri ba can la 'di skad ces bka' stsal to/ /gzhon nu legs so legs so/ /gang khyod de bzhin gshegs pa la don 'di 'dri bar sems pa ni spobs pa legs shing khyod bzang ngo / /de'i phyir gzhon nu khyod
152a5 legs par nyon la yid la zung shig dang ngas khyod la bshad do/ /bcom ldan 'das de ltar 'tshal lo zhes gsol te/ byang chub sems dpa' rin chen dra ba can sems rtse gcig tu bcom ldan 'das kyis ltar nyan pa dang / bcom
152a6 ldan 'das kyis de la 'di skad ces bka' stsal to/ /gzhon nu 'di nas shar phyogs logs na 'jig rten gyi khams mu tig can zhes bya ba zhig yod de/ gzhon nu 'di lta ste/ srid pa'i rtse mo gang ga'i klung gi bye ma snyed du gyur la/
152a7 de dag thams cad kyang rdul phra mo'i rdul snyed kyis yongs su gang bar gyur cig /de nas skyes bu 'ga' zhig byung bas de dag la rdul phra mo'i rdul cig khyer te/ ji tsam du 'jig rten gyi khams srid pa'i rtse mo'i mthas gtugs pa de dag rdul
152a8 phra mo'i rdul gyis yongs su gang ji snyed pa de snyed kyi sangs rgyas kyi zhing bye ba khrag khrig phrag 'bum 'das nas rdul phra mo'i rdul gcig 'jog na/ gzhon nu rnam grangs de dang grangs de'i gzhis yun ring po 'das pas rdul phra mo'i
iiif viewer powered by OpenSeadragon
Texts on this page
J107 - 'phags pa rin chen dra ba can gyis zhus pa zhes bya ba theg pa chan po'i mdo