rKTs

e-texts navigator

Volume

Page

151b₁ lhung bzed blangs te chab phul nas phyag bcabs so/ /bye ba khrag khrig 'bum ri ba'i chos gos gsum gyis bcom ldan 'das la mngon par gsol to/ /dge slong gi dge 'dun dang / dge slong ma'i dge 'dun dang / dge bsnyen dang / dge
151b₂ bsnyen ma'i 'khor rnams la yang chos gos gsum gyis mngon par g.yogs te/ de ci'i phyir zhe na/ 'di ltar de ni bcom ldan 'das kyi mthus so/ /de nas li tsa bi gzhon nu rin chen dra ba can gyis bcom ldan 'das la 'di skad ces
151b₃ gsol to/ /gal te zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa la bdag phyogs 'ga' zhig zhu'o/ /de nas bcom ldan 'das kyis li tsa bi gzhon nu rin chen
151b₄ dra ba can la 'di skad ces bka' stsal to/ /gzhon nu khyod de bzhin gshegs pa la gang dang gang som nyi yod pa zhus shig dang / ngas ded/ zhu ba lung bstan pas sems rangs par bya'o/ /de nas li tsa bi gzhon nu rin chen dra ba can gyis
151b₅ bcom ldan 'das la 'di skad ces gsol to/ /bcom ldan 'das 'jig rten gyi khams gzhan dag na sangs rgyas bcom ldan 'das sngon gyi smon lam dang ldan pa bzhugs shing 'tsho ba gang dag gi mtshan thos pa tsam gyis byang chub
151b₆ sems dpa'i theg pa la yang dag par gnas pa'i rigs kyi bu 'am rigs kyi bu mo som nyi ma mchis shing the tsom ma mchis par 'gyur/ phyir mi ldog cing bla na ma mchis pa yang dag par rdzogs pa'i byang chub tu yang 'gyur/ tshe rab dran pa
151b₇ dang yang ldan par 'gyur/ nam du yang ser sna'i sems dang lhan cig mi gnas/ byang chub sems dpa'i 'khor lo yongs su bskor bar 'gyur/ nyan thos kyi 'khor dang bral bar 'gyur/ yon tan grangs med pa bye ba khrag khrig phrag 'bum
151b₈ gyis kyang yongs su bzung bar 'gyur/ sangs rgyas thams cad mngon par dgyes par bgyis pas sems can thams cad yang dag par tshim par bgyid/ bdud thams cad shin tu skrag par bgyid/ sangs rgyas kyi zhing thams cad sbyong / sems can thams cad
151b₉ k yi sems bsam pa'i

_{iiif viewer powered by OpenSeadragon}

151a - 152a

Texts on this page