rKTs

e-texts navigator

Volume

Page

151a₁ 'dun dpag tu med pa dang thabs gcig tu steng gi bar snang la mi bdun gyi srid tsam du mngon par 'phags te yangs pa can gyi grong khyer chen por gshegs so/ /bskyod ma thag tu de bzhin gshegs pa'i byin gyis brlabs
151a₂ kyis stong gsum gyi stong chen po'i 'jig rten gyi khams/ de thams cad rnam pa drug du 'gul/ rab tu 'gul/ kun tu rab tu 'gul/ g.yos rab tu g.yos/ kun du rab tu g.yos/ ldeg rab tu ldeg /kun tu rab tu ldeg /'ur 'ur
151a₃ rab tu 'ur 'ur/ kun tu rab tu 'ur 'ur/ chem chem/ rab tu chem/ kun tu rab tu chem chem ste ltas bcwo brgyad dang ldan pa rnam pa drug tu g.yos so/ /gzhan yang cho 'phrul bye ba sa ya brgya phrag stong snyed ston cing yangs pa can du
151a₄ gshegs so/ /de'i tshe lha bye ba sa ya brgya phrag stong du ma lha'i me tog ud pa la dang / pad ma dang / ku mu da dang / pad ma dkar po rnams dang / lha'i rin po che las byas pa'i me tog rnams dang / lha'i a ga ru'i phye ma dang / rin po che'i
151a₅ phye ma dang / 'dzam bu chu bo'i gser dang / lha'i rin po che'i phye ma rnams kyis bcom ldan 'das la mngon par gtor/ mngon par rab tu gtor to/ /lha'i sil snyan bye ba khrag khrig phrag 'bum mngon par rab tu bkrol to/ /lha'i rgyan dpag
151a₆ tu med pa rnams kyis brgyan to/ /steng gi bar snang la tsan dan dmar po shing rta'i srog shing tsam gyi char gyi rgyun phab par gyur to/ /de nas bcom ldan 'das li tsha bi gzhon nu rin chen dra ba can gyi gnas ga la ba der gshegs
151a₇ te/ byon nas gdan bshams pa de la bzhugs te/ dge slong gi dge 'dun dang / dge slong ma'i dge 'dun dang / dge bsnyen dang / dge bsnyen ma'i 'khor rnams dang thabs gcig go/ /de nas li tsa bi gzhon nu rin chen dra ba can bcom ldan 'das bzhugs par
151a₈ rig nas rang gi lag nas bca' bo dang / bza' ba dang / myang ba bzang po rab tu mang pos tshim par byed cing gang bzhed pa stobs par byed do/ /de nas li tsa bi gzhon nu rin chen dra ba can bcom ldan 'das kyis zhal zas gsol lags par rig nas

_{iiif viewer powered by OpenSeadragon}

150b - 151b

Texts on this page