rKTs

e-texts navigator

Volume

Page

149a₁ btang zung chen po dang / lha ma yin gyi dbang po sgra gcan dang / lha ma yin gyi dbang po thams cad kyi 'khor dang yang thabs gcig go/ /de'i tshe grong khyer chen po yangs pa can na ded dpon seng ge'i bu li tsha bi stobs mtha' yas
149a₂ zhes bya ba zhig gnas so/ /de'i tshe seng ge'i bu stobs mtha' yas de'i bu gzhon nu li tsha bi rin chen dra ba can zhes bya ba sangs rgyas mang po la bsnyen bkur byas pa/ chos kyi tshul snang ba mtha' yas pa'i sgron ma dang ldan pa yang
149a₃ dag par 'dzin pa/ na tshod lo brgyad lon pa 'dra ba zhig gnyid log ste/ de'i rmi lam du rmis pa/ lha'i bu yongs su dga' ldan dga' ldan gyi gnas nas babs nas tshigs su bcad pa'i dbyangs kyis bskul te mngon par smras pa/
149a₄ sems can snying po rgyal ba sangs rgyas kyis/ /stong gsum 'jig rten snang ba mdzad nas bzhugs/ /bsod nams brgya bsags gser gyi mdog 'dra ba/ /bdag nyid chen po gzugs kyi ma lus mdzes/ /dkyil 'khor bye ba rab tshang
149a₅ gang yin pa/ /zla ba stong ngam yang na bye ba yi/ /'od zer dag gi dkyil 'khor de snang byed/ /ji ltar gang ga'i klung gi bye ma snyed/ /de 'dra'i dkyil 'khor bye bar tshang ba ni/ /shar phyogs dkyil 'khor mchog mi snang byed cing / /de bzhin lho phyogs de
149a₆ bzhin nub phyogs dang / /de bzhin byang phyogs dkyil 'khor mchog snang byed/ /'jig rten mgon po 'od mdzad spu yi khung / /re re nas ni 'od zer gang dag 'byung / /re re nas ni 'od byung de dag gis/ /zla ba'i dkyil 'khor thams cad mog mog mdzad/ /
149a₇ kun gzigs rnams kyis spu khung re re nas/ /'od zer 'byung zhing spu khung re re nas/ /'od zer byung ba rnams kyis gang gA'i klung / /drug bcu rtsa drug bye snyed rab gsal mdzad/ /de nas li tsha bi gzhon nu rin chen dra ba can de'i mtshan mo 'das nas
149a₈ pha stobs mtha' yas la smras pa/ yab mdang gsum lha'i bu yongs su dga' ldan dga' ldan gyi gnas nas babs nas bdag la tshigs su bcad pa'i dbyangs kyis bskul ba bgyis par gyur to/ /'di lta ste/ de bzhin gshegs

_{iiif viewer powered by OpenSeadragon}

148b - 149b

Texts on this page