| e-texts navigator |
| བོད་ཡིག |
143b1 lung ston par yang 'gyur ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo chos kyi rnam grangs 'di thos pa de ni sangs rgyas 'byung ba dang 'dra ba yin gyis kun dga' bo khyod kyis chos kyi rnam grangs 'di zung shig
143b2 gzhan dag la yang rgya cher ston cig / kun dga' bos gsol pa/ bcom ldan 'das chos kyi rnam grangs 'di'i ming ci zhes bgyi/ 'di ji ltar gzung bar bgyi/ 'di'i ming ji skad bstan par bgyi lags/ bcom ldan 'das kyis bka'
143b3 stsal pa/ kun dga' bo chos kyi rnam grangs 'di lha'i bu rab rtsal sems kyis zhus pa zhes bya ba dang / 'jam dpal gyis bstan pa chos thams cad rnam par gtan la dbab pa bstan pa zhes bya bar yang zung shig /de nas 'khor de dag gis
143b4 chos kyi rnam grangs 'di'i ming thos nas thal mo sbyar te bcom ldan 'das la 'di skad ces gsol to/ /bcom ldan 'das bdag cag gis 'jam dpal gzhon nur gyur pas chos bstan pa mang du thos lags na ji ltar chos kyi rnam grangs 'di rab
143b5 tu rnam par phye ste rgya cher bstan pa de lta bu'i chos ni nam yang ma byung lags so/ /bdag cag gis kyang chos kyi rnam grangs la dga' ba 'di lta bu thob pa sngon ma myong lags te/ de lta lags pas bcom ldan 'das yongs su mya ngan las 'das
143b6 nas kyang skye bo mang po la sman pa dang / ma 'ongs pa'i skye bo rnams kyi slad du chos kyi rnam grangs 'di ci nas sangs rgyas kyi mdzad pa bgyid par 'gyur ba dang / sems can mos pa tha dad pa rnams kyis chos kyi rnam grangs 'di thos nas mos pa
143b7 ji lta ba bzhin du theg pa tha dad pas nges par 'byung bar 'gyur ba dang / de dag bde 'gror mchi bar bgyi bar bcom ldan 'das kyis chos kyi rnam grangs 'di legs par byin gyis brlab du gsol/ de nas bcom ldan 'das kyis 'khor bzhi po de dag gis
143b8 gsol ba btab par thugs su chud nas phyogs bcur rnam par gzigs so/ /bcom ldan 'das phyogs bcur rnam par gzigs ma thag tu de nas de'i mod la stong gsum gyi stong chen po'i 'jig rten gyi khams 'di'i sa gzhi chen po rnam pa drug du rab
iiif viewer powered by OpenSeadragon
Texts on this page
J105 - 'phags pa lha'i bu rab rtsal sems kyis zhus pa zhes bya ba theg pa chen po'i mdo