rKTs

e-texts navigator

Volume

Page

142b₁ dang ldan pa lags so zhes kyang gsol to/ /de nas bcom ldan 'das kyis thams cad dang ldan pa'i 'khor de dag la legs so zhes bya ba byin nas byang chub sems dpa' byams pa la bka' stsal pa/ byams pa chos kyi rnam grangs 'di bshad pa na/
142b₂ lha dang mi rnams kyi skye dgu las srog chags nyi khri nyis stong ni chos rnams la chos kyi mig rdul med cing dri ma dang bral ba rnam par dag go/ /lha dang mi rnams kyi skye dgu las srogs chags 'bum phrag brgyad ni len pa med par zag pa rnams las sems
142b₃ rnam par grol lo/ /lha dang / klu dang / gnod sbyin dang / dri za dang / lha ma yin dang / namakha' lding dang / mi 'am ci dang / lto 'phye chen po dang / dge slong dang / dge slong ma dang / dge bsnyen dang / dge bsnyen ma sa ya phrag gnyis kyis ni
142b₄ byang chub tu sems bskyed do/ /'di na gnas pa dang / 'jig rten gyi khams gzhan dag nas 'dus pa'i byang chub sems dpa' lnga 'bum gyis ni mi skye ba'i chos la bzod pa thob par gyur to/ /byang chub sems dpa' bsam pa tha dad pa nyis stong tsam
142b₅ gyis ni gzung sna tshogs so sor thob par gyur to/ /byang chub sems dpa' 'bum gyis ni gzungs dri ma med pa so sor thob par gyur to/ /de dag las byang chub sems dpa' mang po dag byang chub sems dpa' byams pa khyod kyis byang chub thob pa'i
142b₆ dam pa'i chos yongs su 'dzin par 'gyur zhing mdo sde zab mo 'di lta bu dag nod pa dang / ston pa dang / 'dzin pa dang / klog par yang 'gyur te/ de dag ni byams pa khyod nyid kyis byang chub tu lung ston par 'gyur ro/ /de nas bcom ldan 'das la
142b₇ byang chub sems dpa' byams pas 'di skad ces gsol to/ /bcom ldan 'das rigs kyi bu 'am/ rigs kyi bu mo gang dag mdo sde 'di 'dzin pa dang / klog pa dang / ston pa dang / yi ger 'dri ba dang / dam pa'i chos yun ring du gnas
142b₈ par bgyi ba'i slad du glegs bam du bgyis te 'chang ba dang / tha na lan 'ga' zhig nyan par bgyid pa dang / rna lam du grags par bgyid pa de dag bsod nams ji tsam skyed par 'gyur lags/ de skad ces gsol pa dang /

_{iiif viewer powered by OpenSeadragon}

142a - 143a

Texts on this page