| e-texts navigator |
| བོད་ཡིག |
111b1 dpag dka' zhing zab mo la spyod pa rnams yin te/ bzhi gang zhe na/ bdag la bdag med pa dang / sems can la sems can med pa dang / chos dben pa dang / shes pa chags pa med pa ste/ chos bzhi po
111b2 de dag dang ngo / /de la 'di skad ces bya ste/ bdag la bdag med nyid du yongs su shes gyur cing / /sems can sems can med par rjesu rtogs gyur la/ /chos rnams dben pa nyid du yongs su shes gyur cing / /mkha' la
111b3 lag bzhin shes rab chags pa yod min pa'i/ /dpa' rnams zab mo dag la yongs su spyod byed la/ /spyad pa med la rtag tu spyod par byed gyur cing / /'dzin dang kun 'dzin kun dang rnam par bral gyur pas/ /sems can dag pa
111b4 de dag de phyir gting dpag dka'/ /lha'i bu byang chub sems dpa' sems dpa' chen po chos bzhi dang ldan na chos ston pas dbang po rnams la mkhas pa rnams yin te/ bzhi gang zhe na/ mngon par shes pa thob pa dang / so so yang dag
111b5 par rig pa shes pa dang / shes rab rno ba dang / sngon gyi smon lam rnam par dag pa ste/ chos bzhi po de dag dang ngo / /de la 'di skad ces bya ste/ mngon par shes pa rnams ni rab tu thob gyur cing / /shes pas so so yang dag rig pas mi zad
111b6 gyur/ rtag tu shes rab rnon por gyur cing sngon yang ni/ /yang dag bsags pa yongasu dag pa thob gyur ba/ /sems can rnams kyi dbang po yongs su shes byas nas/ /de dang 'dra ba'i chos rnams yongasu ston par byed/ /de dag bstan pa
111b7 'bras bu med pa ma yin te/ /de phyir mya ngan 'das nas mya ngan 'da' bar byed/ /lha'i bu byang chub sems dpa' sems dpa' chen po chos bzhi dang ldan na 'dus ma byas dang ma 'dres pas rnam par thar pa'i sgor zhugs pa rnams yin te/
111b8 bzhi gang zhe na/ stong pa nyid spyod yul du gyur cing / lta ba'i 'ching bas bcings pa'i sems can rnams thar bar byas pa dang / mtshan ma med pa la gnas shing rnam par rtog pa spyod pa rnams yongasu mya ngan las 'da' bar byed pa dang / smon pa med pa la/
iiif viewer powered by OpenSeadragon
Texts on this page
J105 - 'phags pa lha'i bu rab rtsal sems kyis zhus pa zhes bya ba theg pa chen po'i mdo