rKTs

e-texts navigator

Volume

Page

109a₁ kun las 'das shing phyi nang gnas pa ni/ /chos mchog bzhi po de la shin tu rab gnas pa/ /shes pas pha rol phyin cing chags med spyod pa yin/ /lha'i bu byang chub sems dpa' sems dpa' chen po chos bzhi dang ldan na shes
109a₂ rab kyi mun pa dang bral ba rnams yin te/ bzhi gang zhe na/ thos pas ngoms pa med cing tshul bzhin la rab tu sbyor ba dang / zang zing med pa'i sems kyis chos ston pa dang / chos kyi dbyings dbyer med pa shes par bya ba'i phyir nyon
109a₃ mongs pa thams cad la sgyu ma lta bur so sor rtog pa dang / tshul gcig la 'jug pas thams cad kyi 'jug pa la 'jug pa ste/ chos bzhi po de dag dang ngo / /de la 'di skad ces bya ste/ de dag chos tshol ngoms med tshul bzhin rtogs
109a₄ byed cing / /de mnyam ston cing klog 'dzin rnyed pa tshol mi byed/ /nyon mongs sprin 'dra sgyu ma rmi lam lta bur blta/ /chos nyid tha dad mi byed de dag tshul gcig 'jug /che bdag chos bzhi de brten khyad par thob 'gyur zhing / /shes rab sgron 'das
109a₅ mun bsal zla ltar 'jig rten rgyu/ /lha'i bu byang chub sems dpa' sems dpa' chen po chos bzhi dang ldan na 'khor rnams kyi nang du 'jigs pa dang bral ba rnams yin te/ bzhi gang zhe na/ thos pa thams cad 'dzin pa'i gzungs thob pa dang /
109a₆ sems can thams cad kyi the rtsom gcod pa'i spobs pa thob pa dang / sems can thams cad la bdag med pa ston pa'i snying rje chen po dang / bdud dang nyon mongs pa dang bral ba mngon par shes pa'i ye shes kyi go cha bgos pa ste chos bzhi po de
109a₇ dag dang ngo / /de la 'di skad ces bya ste/ thos kun chud mi za bar 'gyur ba'i gzungs thob cing / /de dag spobs ldan sems can som nyi gcod par byed/ /snying rjes chos 'di thams cad bdag med ston byed cing / /mngon shes shes pa'i go bgos
109a₈ bdud kyis mi nyams la/ /byang chub sems dpa' chos bzhi de dag gis 'jug na/ /'khor kun nang du song yang de la 'jigs pa med/ /lha'i bu byang chub sems dpa' sems dpa' chen po chos bzhi dang ldan na thos pas don la rton pa rnams

_{iiif viewer powered by OpenSeadragon}

108b - 109b

Texts on this page