| e-texts navigator |
| བོད་ཡིག |
222b1 dang / lus dang / ngag dang / yid kyi las dge ba dang mi dge ba sna tshogs su byas pas sna tshogs su gyur pa dag go/ /sems ni gzugs med pa/ bstan du med pa/ gzung du med pa'o/ /
222b2 klu'i bdag po 'di ltar thams cad ni bcos ma sgrub pas gnas pa'i mtshan nyid de bdag po med pa/ bdag gi med pa/ yongs su 'dzin pa med pa'o/ /de dag ni las ji ltar bsags
222b3 pas bsgrubs pa sna tshogs su byas pa dag ste/ 'di la byed pa po gang yang med do/ /klu'i bdag po 'di ltar chos 'di dag thams cad ni bsam gyis mi khyab pa sgyu ma'i mtshan nyid kyi ngo bo
222b4 nyid do/ /klu'i bdag po de la byang chub sems dpa' mkhas pas chos thams cad sgrub pas gnas pa'i mtshan nyid du shes nas dge ba'i las mngon par 'du bya ba dag mngon par 'du
222b5 bya'o/ /de dge ba'i las mngon par 'du bya bar 'du byed na sgrub pas gnas pa'i mtshan nyid kyi chos rnams kyis phung po dang / khams dang / skye mched gang dag mngon par 'grub pa de dag
222b6 mdzes shing blta na sdug la gzugs bzang ba dag tu mngon par 'grub bo/ /klu'i bdag po de bzhin gshegs pa'i sku bsod nams bye ba khrag khrig brgya stong las skyes pa mtshan rnams kyis ji
222b7 ltar brgyan pa dang / ji ltar bsgrubs pa dang / dpal gyis lha dang mir bcas pa'i 'jig rten zil gyis mnan nas ma chags par bzhugs te/ gang na brgya stong phrag bcu la dbang sgyur ba'i
222b8 tshangs pa chen po 'di dag mog mog por gyur nas de bzhin gshegs pa'i sku la lta na yang mig zi zi por gyur pa la ltos/ klu'i bdag po byang chub sems dpa' 'di dag gi gzugs dang /
iiif viewer powered by OpenSeadragon
Texts on this page
J98 - 'phags pa klu'i rgyal po rgya mtshos zhus pa zhes bya ba theg pa chen po'i mdo