| e-texts navigator |
| བོད་ཡིག |
221b1 rgyas legs par btab bo zhes byung ngo / /klu'i rgyal po rgya mtshos kyang stong gsum gyi stong chen po'i 'jig rten gyi khams thams cad khyab par mu tig gi char chen po phab bo/ /de nas bcom
221b2 ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di zung la/ gzhan dag la yang rgyas par yang dag par ston cig /gsol
221b3 pa/ bcom ldan 'das chos kyi rnam grangs 'di bdag gis gzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das
221b4 kyis bka' stsal pa/ de'i phyir chos kyi rnam grangs 'di klu'i rgyal po rgya mtshos zhus pa zhes bya bar zung shig /klu'i bdag po'i gzungs kyi le'u zhes bya bar yang zung shig /rin po che kun
221b5 las btus pa'i chos kyi sgo yongs su dag pa'i le'u zhes bya bar yang zung shig / bcom ldan 'das kyis de skad ces bka' stsal nas/ tshe dang ldan pa kun dga' bo dang / klu'i rgyal po rgya
221b6 mtsho dang / klu'i rgyal po ma dros pa dang / klu'i rgyal po rgya mtsho'i bu dpal gyi gzi brjid dang / rgyal po ma skyes dgra dang / phyogs bcu nas 'dus pa'i byang chub sems dpa' sems dpa'
221b7 chen po de dag thams cad dang / 'khor de dag thams cad dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon
221b8 par bstod do/ /'phags pa klu'i rgyal po rgya mtshos zhus pa zhes bya ba theg pa chen po'i mdo rdzogs so// // rgya gar gyi mkhan po dzi na mi tra dang / pradz+nya bar ma dang / zhu chen gyi lo ts+tsha ba ban de
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo