| e-texts navigator |
| བོད་ཡིག |
219a1 sring mo ud pa las gsol pa/ bcom ldan 'das bdag chos thams cad sangs rgyas kyi chos rnams lags par 'tshal la/ 'on kyang bdag mngon par rdzogs par 'tshang mi
219a2 rgya na/ ci bdag dam pa'i chos 'dzin pa lags sam/ bka' stsal pa/ sring mo de ni de bzhin no/ /bu mo mu tig phreng gis gsol pa/ bcom ldan 'das bdag gis bud med kyi chos rnams kyang
219a3 mi dmigs/ skyes pa'i chos rnams kyang mi dmigs te/ sangs rgyas kyi chos rnams kyi mtshan nyid gang lags pa de/ bud med dang / skyes pa'i chos rnams kyi mtshan nyid lags la/ chos de dag
219a4 kyang chos kyang ma lags/ chos ma lags pa yang ma lags te/ de'i slad du 'di ltar bdag ni skyed par yang mi bgyid/ khas len par yang mi bgyid na/ ci bdag dam pa'i chos 'dzin pa lags
219a5 sam/ bka' stsal pa/ bu mo de ni de bzhin no/ /bu mo rin chen gyis gsol pa/ bcom ldan 'das bdag gis byang chub dang / byang chub sems dpa'i spyod pa yang ma mthong la/
219a6 sems can thams cad kyi go cha yang bdag gis bgos/ de dag kyang gtan du bdag gis ma mthong na/ ci bdag dam pa'i chos 'dzin pa lags sam/ bka' stsal pa/ bu mo de ni de bzhin no/ /
219a7 bu mo dri ma med pa'i 'od kyis gsol pa/ bcom ldan 'das bdag chos thams cad la yang chos kyi 'du shes mi skyed la/ sems can thams cad la yang sems can gyi 'du shes mi skyed/
219a8 chos thams cad kyis kyang sangs rgyas kyi chos rnams la rnam par mi rtog ste/ sangs rgyas kyi chos rnams kyi khongs su yang chos thams cad 'dus par yang dag par mthong la/ de dag gi khongs su yang ma
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo