| e-texts navigator |
| བོད་ཡིག |
215b1 mchis pa de 'dra mkhyen nas ni/ /'dam las rgal te sems can rnams kyang 'dul/ /gang tshe chos rnams gsog dang gsob tu gzigs/ /nam mkha' chang stong 'dra zhing snying po med/ /de dag
215b2 bdag gi ngo bo ma mchis pas/ /bdag med dngos med dngos po med ma lags/ /mtha' rnams kun du lta ba kun spangs na/ /byang chub rdul med rnam dag thob par 'gyur/ /skye dang rga dang
215b3 gnod par bgyi ba gang / /'chi dang gnas pa gang lags su yang med/ /gang 'dir skye dang rga dang na dang 'chi/ /shed las skyes dang shed bu de ma mchis/ /'di na bdag dang bdag gi ma mchis
215b4 te/ /gang zag shes skyes shed bu yong ma mchis/ /'di brdzun bdag po ma mchis dbang ma mchis/ /'tsho ba'i 'jig rten sgyu ma lta bur 'jug /byed pa ma mchis tshor ba po ma mchis/ /
215b5 'on kyang las mchis 'bras bu don ma mchis/ /'gro ba'i las kyi rkyen gyis rang bzhin 'byung / /phan tshun du ni rgyu la rten par 'dus/ /dge dang mi dge'i las gang bgyid pa dang / /gang
215b6 zhig bsgoms dang gang zhig mang du bgyis/ /yul na ma mchis phyogs na ma mchis te/ /ngo bo nyid stong 'on kyang rnam par smin/ /nang dang slad rol bar na mi gnas te/ /chos rnams gang du'ang
215b7 'phungs pa yong ma mchis/ /de dag gang la 'ang rten pa ma mchis la/ /rnam par smin pa slu bar yong mi bgyid/ /skyes pa mi mnga' 'gag pa mnga' ma lags/ /mkhas pa rnams ni go bar
215b8 bgyi slad du/ /nyan pa la ni smra bas tshig kyang bstan/ /lta ba rnam par sbyang ba'i slad du bstan/ /gang gi 'du shes 'du shes can ma mchis/ /mya ngan 'das mchis su yang zhi ma mchis/ /
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo