| e-texts navigator |
| བོད་ཡིག |
213a1 de dang 'dra bar blta bar bya'o/ /klu'i rgyal po rgya mtsho'i bstan pa 'di bshad pa na byang chub sems dpa' nyis brgya ni mi skye ba'i chos la bzod pa thob par gyur to/ /dge slong
213a2 nyis brgya ni len pa med par zag pa rnams las sems rnam par grol lo/ /de nas bcom ldan 'das la rgyal po ma skyes dgras 'di skad ces gsol to/ /bcom ldan 'das
213a3 klu'i rgyal po rgya mtsho'i spobs pa ni ngo mtshar lags so/ /bcom ldan 'das kyis bka' stsal pa/ rgyal po chen po 'di'i spobs pa ni ngo mtshar yang mi che la dka' ba yang ma yin gyi/ las
213a4 dang po pa gang dag gis bstan pa 'di thos na mi skrag / mi dngang / dngang bar mi 'gyur ba 'di ni de dag gi ches ngo mtshar che ba dang / cher dka' ba yin no/ /de ci'i phyir zhe na/ sangs rgyas bcom ldan
213a5 'das rnams kyi byang chub ni de ltar mos par dka' ba ste/ de la ni lha dang bcas pa'i 'jig rten 'jug par mi 'gyur/ 'gro bar mi 'gyur/ mos par mi 'gyur/ yid ches par mi 'gyur
213a6 ba'i phyir te/ rgyal po chen po rnam grangs 'dis kyang gang dag chos zab mo bstan pa 'di la mi skrag /mi dngang zhing dngang bar mi 'gyur ba'i sems can de dag ni sangs rgyas mang po la bsnyen
213a7 bkur byas pa yin par de ltar rig par bya'o/ /rgyal po chen po gzhan yang 'di ci snyam du sems/ skyes bu gang gis nam mkha' gzugs can ma yin pa bstan du med pa 'di gzugs can
213a8 du ston par byed na/ ci de dka' bar byed pa yin nam/ gsol pa/ bcom ldan 'das mchog tu dka' ba lags so/ /bde bar gshegs pa mchog tu dka' ba lags so/ /bka' stsal
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo