| e-texts navigator |
| བོད་ཡིག |
212b1 gnyis su med pa'i mtha' ni yang dag pa'i mtha'o/ /yang dag pa'i mtha' ni gtan du mi 'byung ba'i mtha'o/ /mtha' can gang yin pa de ni 'dod chags dang / zhe sdang dang / gti mug rnams so/ /de'i
212b2 mtha' can ni rnam par grol ba'i mtha'o/ /gang mtha' de'i sgor zhugs pa ni gang du yang mngon par zhen pa med do/ /gang mngon par zhen pa de ni tha snyad kyis brda la chags pa med do/ /ma chags
212b3 na grol bar 'gyur ro/ /grol na phyin cad mi rgyu rab tu mi rgyu'o/ /mi rgyu rab tu mi rgyu na gang du yang nyams par mi 'gyur ro/ /blo ma nyams na thams cad las nges par 'byung bar mthong ste/
212b4 ji ltar rnam par mi mthong ba de ni de ltar yang mthong ngo / /gang gi tshe rnam par mi mthong ba de'i tshe gnyis su mi 'byed do/ /gnyis su med pa la gnas na mnyam pa nyid la 'jug go/ /mnyam pa nyid
212b5 la zhugs na mtho bar yang mi 'gyur dma' bar yang mi 'gyur ro/ /mtho ba yang med/ dma' ba yang med na mnyam pa nyid kyi chos kyis rab tu phye ba'i bzod pa thob par 'gyur te/ de la bzod pa
212b6 gang yin pa dang / gang lung bstan par bya ba dang / sus lung bstan pa dang / ci'i phyir lung bstan pa'i chos de dag thams cad chos mnyam pa dang / chos med pa'i chos kyi
212b7 dbyings su nges pa dang / brda med pa dang / 'byung ba med pa dang / dngos po dang dngos po med pa dang bral ba dang / gnyis su med pa'i mtha' can de dag gi don yongs su gzhal
212b8 nas/ chos gang yang bgrang bar mi byed do/ /dper na nam mkha' ni bgrang ba las yang dag par 'das ste/ de bzhin du chos thams cad kyang
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo