| e-texts navigator |
| བོད་ཡིག |
208b1 thabs la mkhas pa de tsam du bsam gyis mi khyab pa ni ngo mtshar lags te/ 'di ltar klu'i rgyal po rgya mtshos de bzhin gshegs pa spyan drangs te/ de ltar sems can gyi don tshad ma mchis pa bgyis na/
208b2 bcom ldan 'das klu'i rgyal po rgya mtshos yun ci srid cig nas ni bla na med pa yang dag par rdzogs pa'i byang chub tu sems bskyed lags/ de bzhin gshegs pa ji snyed cig la ni mchod pa bgyi'o/ /
208b3 yun ji srid cig na ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ de mngon par rdzogs par sangs rgyas pa'i mtshan ni ci zhes bgyi bar 'gyur/
208b4 de'i sangs rgyas kyi zhing ni ci 'dra bar 'gyur lags/ bcom ldan 'das kyis bka' stsal pa/ rgyal po chen po sngon byung ba 'das pa'i dus bskal pa grangs med pas ches grangs med pa/ bsam gyis mi
208b5 khyab pa/ yun ring ba/ tshad med pa'i snga rol de'i tshe de'i dus na bskal pa yid du 'ong zhing zhi ba zhes bya ba la shar gyi phyogs kyi 'jig rten gyi khams yongs su dag pa zhes bya bar bcom ldan 'das de bzhin
208b6 gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang
208b7 mi rnams kyi ston pa/ sangs rgyas bcom ldan 'das 'od rnam par dag pa'i 'od zer rgyal po zhes bya ba 'jig rten du byung ste/ rgyal po chen po 'jig rten gyi khams lta ba yongs su dag pa de'i bkod
208b8 pa byung ba de dag ni nga'i tshe'i tshad bskal par gnas su zin kyang rgyas par bstan par nus par sla ba ma yin no/ /rgyal po chen po de'i tshe de'i dus na 'khor los sgyur ba'i rgyal po lhas btsa' zhes bya ba zhig byung ste/
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo