| e-texts navigator |
| བོད་ཡིག |
205a1 med pas gong du khyad par rtogs pa dang / sangs rgyas kyi thugs su chud pa la yang dag par gzhol bas sangs rgyas rjes su dran pa 'thob pa ste/ 'od ldan ma chos bcu po de dag ni rgyan du 'gyu ba yin no/ /de skad ces bka'
205a2 stsal pa dang / rgya mtsho chen po'i lha mo 'od ldan ma lha mo khri dang lhan cig du bla na med pa yang dag par rdzogs pa'i byang chub tu sems bskyed nas/ bcom ldan 'das la 'di skad ces gsol to/ /bcom ldan 'das rgya mtsho
205a3 chen po'i rgyan lags so/ /de ci'i slad du zhe na/ bcom ldan 'das byang chub kyi sems ni stong gsum gyi stong chen po'i 'jig rten gyi khams thams cad kyi rgyan lags na/ rgya mtsho chen po'i lta smos kyang ci 'tshal te/ byang chub
205a4 kyi sems de ni sangs rgyas kyi zhing thams cad brgyan pa'i slad du bdag cag gis skyes lags so/ /bcom ldan 'das de bzhin gshegs pa bzhugs kyang rung / yongs su mya ngan las 'das kyang rung ste/ bdag ni rgya mtsho chen
205a5 po'i nang na gnas bzhin du dam pa'i chos yongs su bsrung ba'i slad du rtag tu brtson pa kho nar 'tshal lo/ /bcom ldan 'das grong khyer du gshegs pa na yang bkod pa thams cad nye bar bstan par 'tshal lo/ /chos kyi dben ba'i
205a6 gtam mdzad pa na yang 'khor gyi khyams kyi bkod pa sgrub par 'tshal lo/ /bcom ldan 'das kyis bka' stsal pa/ 'od ldan ma 'di ltar khyod kyis ni sangs rgyas khri la mchod pa byas so/ /'khor gyi khyam kyi bkod pa yang bstan to/ /
205a7 dam pa'i chos kyang yongs su bsrungs so 'od ldan ma khyod ni bskal pa bzang po'i de bzhin gshegs pa thams ca la yang mchod pa byed par 'gyur ro/ /dam pa'i chos kyang yongs su bsrung bar 'gyur ro/ /khyod ni bskal pa bzang po 'di 'das pa'i 'og
205a8 tu de bzhin gshegs pa mi 'khrug pa'i sangs rgyas kyi zhing 'jig rten gyi khams mngon par dga' bar skye bar 'gyur te/ bud med kyi dngos po rjes nas skyes pa'i dngos po thob par 'gyur ro/ /khyod ni de bzhin gshegs pa mi 'khrugs pas bla na
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo