| e-texts navigator |
| བོད་ཡིག |
202a1 lung bstan to/ /bcom ldan 'das bdag cag ni sangs rgyas dang chos dang / dge slong gi dge 'dun la shin du skyabs su mchi'o/ /bslab pa'i gzhi rnams kyang gzung bar 'tshal lo/ /de bzhin
202a2 gshegs pa la yang bka' drin du gzo bar 'tshal te/ de bzhin gshegs pa bzhugs pa na yang blta ba dang / phyag 'tshal ba dang bsnyen bkur bgyi ba dang / chos mnyan pa'i slad du rgyun mi 'chad par thad du mchi'o/ /
202a3 de bzhin gshegs pa yongs su mya ngan las 'das pa na yang sku gdung 'chang ba rnams la mchod pa bgyi'o/ /bkur sti dang / rim gro thams cad kyang bgyi'o/ /klu yongs su bskyab pa zhes bya ba'i
202a4 le'u ste bdun pa'o/ / // de nas bya'i rgyal po nam mkha' lding de bzhin gshegs pa'i byin gyi brlabs 'di thos nas mi dga' zhing / rings pa'i tshul gyis bcom ldan 'das ga la ba der dong ste
202a5 lhags nas/ bcom ldan 'das kyi zhabs la mgo bos phyag 'tshal te/ lan gsum bskor ba byas nas/ bcom ldan 'das la 'di skad ces gsol to/ /bcom ldan 'das kyis bdag cag gi 'tshal
202a6 ma bkum ste ci bgyi lags/ bcom ldan 'das kyis bka' stsal pa/ grogs po dag zas bzhi po 'di dag ni sems can dmyal ba dang / dud 'gro'i skye gnas dang / gshin rje'i 'jig rten du 'gro bar
202a7 'gyur ba yin te/ bzhi gang zhe na/ grogs po dag zas gang srog chags gzhan bsad pa dang / srog chags gzhan la rnam par 'tshe ba dang / gzhan gyi srog bcad pas 'tsho ba 'di ni sems can dmyal
202a8 ba dang / dud 'gro'i skye gnas dang / gshin rje'i 'jig rten du 'gro bar 'gyur ba'i zas dang po'o/ /grogs po dag gzhan yang zas gang ma byin par len cing 'phrog pa dang / gzhan gyi longs spyod 'jig par
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo