| e-texts navigator |
| བོད་ཡིག |
201b1 zar da la ston pa'i 'du shes dang / mchod rten gyi 'du shes bskyed cig /de ci'i phyir zhe na/ ras phrag zar 'di ni de bzhin gshegs pas longs spyad pa yin te/ sems can thams cad kyi mchod rten du gyur pa yin no/ /
201b2 grogs po dag de bzhin gshegs pa la mchod pa byed pa gang yin pa dang / ras phrag zar 'di la mchod pa byed pa gang yin pa de la ni bye brag tu bya ba 'am/ tha dad du bya ba chung zad kyang med do/ /de nas bcom ldan 'das kyis klu'i
201b3 rgyal po rgya mtsho la legs so zhes bya ba byin te/ klu'i bdag po legs so legs so/ /khyod kyi ji skad smras pa bzhin te/ ras phrag zar de la mchod pa byed pa gang yin pa de dag gis ni de bzhin gshegs pa la mchod pa
201b4 byas pa yin no/ /klu'i bdag po klu dang / klu gzhon nu dang / klu'i bu mo ji snyed kyis ras phrag zar de las dum bu dum bur khyer ba mthong ngam/ gsol pa/ bcom ldan 'das mthong lags so/ /
201b5 bcom ldan 'das kyis bka' stsal pa/ 'di dag thams cad ni bskal pa bzang po 'di kho na la yongs su mya ngan las 'da' bar ngas lung bstan te/ theg pa chen po la zhugs pa rnams ni ma gtogs so/ /klu'i
201b6 bdag po de bzhin gshegs pa ni de ltar 'jig rten na yon gnas yin te/ de la sems bskyed pa tsam yang chud za bar mi 'gyur ro/ /de nas rgya mtsho chen po'i nang na klu dang / klu gzhon nu dang / klu'i bu mo ji snyed
201b7 gnas pa de dag thams cad tshim zhing mgu la yi rangs te/ rab tu dga' zhing dga' ba dang / yid bde ba skyes nas/ bcom ldan 'das kyi zhabs gnyis la gtugs te tshig 'di skad ces kyang smras so/ /de bzhin
201b8 gshegs pa ni gnyis su mi gsung ba'o/ /de bzhin gshegs pa ni bden pa gsung ba'o/ /yang dag par gsung ba'o/ /phyin ci ma log par gsung ba ste/ des bdag cag thams cad yongs su mya ngan las 'da' bar
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo