| e-texts navigator |
| བོད་ཡིག |
200a1 'khor 'dir lha dang lha ma yin 'dus pa 'di dag thams cad kyang / ci nas gcig la gcig 'thun par bgyid pa dang / byams par sems pa dang / phan par sems pa dang / gnod par
200a2 sems par mi 'gyur ba de lta bur sems dad par bcom ldan 'das kyis mdzad tu gsol/ de nas bcom ldan 'das kyis lha ma yin gyi dbang po sgra gcan dang / lha ma yin gyi dbang po bde mchog dang /
200a3 thags zangs ris dang / lag bzangs dang / sim byed rnams la bka' stsal pa/ grogs po dag byams pa ni sangs rgyas thams cad kyis bsngags so/ /byams pa'i rjes su 'jug pa'i skyes bu
200a4 gang zag gis ni tshe 'di dang / tshe phyi ma'i don thob par 'gyur ro/ /grogs po dag tshe 'di ni yun thung ngo / /tshe phyi mar ni 'gro dgos so/ /'byor pa thams cad kyi mtha' ni rgud pa'o/ /rgyal po'i longs
200a5 spyod dang dbang phyug rnams ni mi rtag gis khyed lhan cig 'thun pa dang gnod sems med pa dang / 'jig rten pha rol la lta ba dang / las kyi rnam par smin pa la rton pas gnas par gyis shig /bcom
200a6 ldan 'das kyis de ltar ci nas sum bcu rtsa gsum pa'i lha rnams dang / lha ma yin de dag 'thun par gnas par 'gyur ba de lta bu'i skyo ba'i gtam mdzad do/ /de nas tshig 'di skad ces gsol to/ /
200a7 bcom ldan 'das bdag cag deng slan chad gnyen pa'i tshul du bgyid cing gcig la gcig byams pa'i sems dang gnod sems ma mchis pas gnas par 'tshal lo/ /bcom ldan 'das kyis bka'
200a8 stsal pa/ grogs po dag legs so legs so/ /byams pa'i sems gang yin pa de ni de bzhin gshegs pa rnams kyi mchod pa'i mchog yin no/ /rdzas las byung ba'i bsod nams bya ba'i dngos po
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo