rKTs

e-texts navigator

Volume

Page

199b₁ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur snyam pa dang / bcom ldan 'das kyis de dag gi bsam pa thugs su chud nas dge slong dag la bka'
199b₂ stsal pa/ dge slong dag bu mo rin chen sna tshogs can 'di ni bskal pa grangs med pa sum brgya na bskal pa rnam par sbyong ba zhes bya ba la/ 'jig rten gyi khams snang ba can du de bzhin gshegs
199b₃ pa dgra bcom pa yang dag par rdzogs pa'i sangs rgyas kun du rnam par gzigs shes bya bar 'gyur ro/ /'jig rten gyi khams snang ba can de yang de bzhin gshegs pa de'i 'od kyis rtag tu
199b₄ snang bar 'gyur ro/ /zhabs 'bring ba byang chub sems dpa' ni bye ba phrag dgu bcu rtsa gnyis su 'gyur ro/ /de'i tshe'i tshad ni bar gyi bskal pa bcur 'gyur ro/ /de nas klu'i bu mo khri po de dag gis
199b₅ kyang bcom ldan 'das la 'di skad ces gsol to/ /bcom ldan 'das gang gi tshe de bzhin gshegs pa kun tu rnam par gzigs des byang chub brnyes pa de'i tshe/ bdag cag 'jig rten gyi
199b₆ khams der skye bar gyur cig ces gsol nas/ de dag kyang bcom ldan 'das kyis 'jig rten gyi khams der skye bar lung bstan to/ /de nas bcom ldan 'das la lha'i dbang po brgya byin gyis
199b₇ 'di skad ces gsol to/ /bcom ldan 'das sum bcu rtsa gsum pa'i lha 'di dag ni lha ma yin gyis 'jigs pas rtag tu skrag bzhin du gnas la/ lha dang lha ma yin g.yul 'gyed
199b₈ pa na yang phan tshun rtsod cing 'gyed par bgyid de/ de las na bcom ldan 'das de bzhin gshegs pas ci nas sems can thams cad sems 'thun par 'gyur ba de lta bur chos bstan na legs lags so/ /

_{iiif viewer powered by OpenSeadragon}

199a - 200a

Texts on this page