| e-texts navigator |
| བོད་ཡིག |
199a1 so/ /'khor lo de ni shin tu kun nas nyon mongs pa can ma lags pas rnam par dag pa lags so/ /'khor lo de ni chad pa dang rtag pa mi dmigs pas yod pa yongs su chad pa ma lagaso/
199a2 'khor lo de ni rgyu dang rkyen shin tu brtags pas 'gal ba ma mchis pa lags so/ /'khor lo de ni bden pa lags so/ /'khor lo de ni mi skye mi 'gag pa lags so/ /'khor lo de ni stong pa nyid dang /
199a3 mtshan ma med pa dang / smon pa med pa lags so/ /btsun pa 'od srung chen po 'khor lo de 'dra ba gang lags pa de'i bskor ba ci 'dra ba zhig lags/ smras pa bu mo khyod kyi bstan pa 'di 'dra ba
199a4 lags na/ khyod ni ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /smras pa gang gi tshe gnas brtan byang chub mngon par rdzogs par
199a5 'tshang rgya bar 'gyur ba de'i tshe/ bdag kyang mngon par rdzogs par 'tshang rgya bar 'gyur lags so/ /smras pa kho bo byang chub mngon par rdzogs par 'tshang rgya bar 'gyur ba de ni gnas med skabs med de/ /
199a6 smras pa de de lta lags te/ byang chub ni gnas ma mchis pa la gnas pa ste/ de ni sus kyang mngon par rdzogs par 'tshang rgya bar mi nus lags so/ /bu mo des bstan pa 'di bshad pa na/
199a7 byang chub sems dpa' lnga brgyas mi skye ba'i chos la bzod pa thob par gyur to/ /bcom ldan 'das kyis kyang bu mo de la legs so zhes bya ba byin te/ bu mo legs so legs so/ /khyod kyi chos bstan
199a8 pa 'di legs par smras so/ / // bam po drug pa/ de nas 'khor de'i nang nas lha dang / klu dang / gnod sbyin dang / dri za kha cig 'di snyam du sems te/ bu mo 'di yun ji srid cig na
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo