rKTs

e-texts navigator

Volume

Page

196a₁ rdzogs par 'tshang rgya bar mi nus 'grub par dka'o/ /de nas bu mo rin chen sna tshogs can gyis tshe dang ldan pa 'od srung chen po la 'di skad ces smras so/ /btsun pa 'od srung chen po bud med kyi lus kyis kyang bla na med
196a₂ pa yang dag par rdzogs pa'i byang chub mngon par rdzogs par 'tshang rgya bar mi 'gyur la lhag pa'i bsam pa la zhugs pa la yang / byang chub 'grub dka' ba ma mchis so/ /byang chub sems dpa'i byang chub ni sems bskyed pa
196a₃ la rag las te/ byang chub tu sems bskyed ma thag tu sangs rgyas kyi chos thams cad bzung bar 'gyur ro/ /btsun pas gang 'di skad du bud med kyi lus kyis bla na med pa yang dag par rdzogs pa'i byang chub mngon par rdzogs
196a₄ par 'tshang rgya bar mi nus so zhes gsungs pa de ni skyes pa'i lus kyis kyang mngon par rdzogs par 'tshang rgya bar mi nus so/ /de ci'i slad du zhe na/ de bzhin gshegs pas 'di skad du mig ni skyes pa yang ma yin/ bud med
196a₅ kyang ma yin no/ /de bzhin du rna ba dang / sna dang / lce dang lus dang / yid ni bud med kyang ma yin/ skyes pa yang ma yin no zhes gsungs pa'i phyir ro/ /btsun pa 'od srung chen po de ci'i slad du zhe na/ mig ni stong pa ste
196a₆ stong pa gang lags pa de la ni bud med kyang ma mchis/ skyes pa yang ma mchis pa'i slad du'o/ /btsun pa 'od srung chen po de bzhin du rna ba dang / sna dang lce dang / lus dang yid ni stong pa ste/ stong pa gang lags pa
196a₇ de la ni bud med kyang ma mchis/ skyes pa yang ma mchis pa'i slad du'o/ /btsun pa de la mig khong du chud pa gang lags pa de ni byang chub lags so/ /rna ba dang / sna dang lce dang / lus dang yid khong du chud pa gang lags
196a₈ pa de ni byang chub lags so/ /byang chub gang lags pa de la ni bud med kyi chos rnams sam/ skyes pa'i chos rnams ma mchis so/ /btsun pa 'od srung chen po de lta bas na byang chub kyi ngo bo nyid gang lags pa de ni bdag gis

_{iiif viewer powered by OpenSeadragon}

195b - 196b

Texts on this page