| e-texts navigator |
| བོད་ཡིག |
195b1 ji ltar de bzhin gshegs pa dang de bzhin nyid mtshungs par rab tu phye ba de bzhin du chos thams cad kyang / de bzhin nyid dang mtshungs par rab tu phye ba yin te/ klu'i bdag po 'di ni de bzhin gshegs pa'i mnyam pa nyid kyi sa yin te/
195b2 byang chub sems dpa' rnams de la gnas na mi skrag mi dngang zhing dngang bar mi 'gyur la/ de bzhin gshegs pa'i sa mnyam pa nyid 'di yang sems can rnams la go bar byed do/ /bstan pa 'di bshad pa na byang chub sems
195b3 dpa' sum stong nyis brgyas mi skye ba'i chos rnams la bzod pa thob par gyur to/ /klu'i rgyal po ma dros pa yang tshim zhing mgu la yi rangs te/ rab tu dga' zhing dga' ba dang / yid bde ba skyes nas 'dzam bu'i gling ri ba'i
195b4 mu tig gi phreng ba de bzhin gshegs pa'i sku la gsol to/ /de nas klu'i rgyal po rgya mtsho'i bu mo lha ma yin gyi dbang po thags zangs ris kyi tsha mo rin chen sna tshogs can zhes bya ba des klu'i bu mo khri dang lhan gcig
195b5 tu lag pa g.yas pas mu tig gi phreng ba blangs nas bcom ldan 'das la mig mi 'dzums par blta ste/ phyag 'tshal zhing 'dug par gyur to/ /de nas bu mo rin chen sna tshogs can dang klu'i bu mo khri po de dag gis bcom
195b6 ldan 'das kyi sku la mu tig gi phreng ba de dag gsol nas tshig 'di skad ces gsol to/ /bcom ldan 'das bdag cag rnams lhan gcig tu 'thun zhing yang dag par dga' ba bzhin du bla na med pa yang dag par rdzogs pa'i byang chub
195b7 tu sems bskyed do/ /bdag cag kyang ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su gyur cig /da ltar gyi de bzhin gshegs pa je lta ba bzhin du 'di 'dra bar chos kyang
195b8 ston par gyur cig / dge 'dun yang srung bar gyur cig /de nas tshe dang ldan pa 'od srung chen pos klu'i bu mo de la 'di skad ces smras so/ /bu mo bla na med pa yang dag par rdzogs pa'i byang chub ni bud med kyi lus kyis mngon par
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo