| e-texts navigator |
| བོད་ཡིག |
194a1 'di la lung bstan nas gshegs shes zer ba gang yin pa de la mngon sum du chos khong du chud pa ni lung bstan pa'o/ /sems can med pa dang / srog med pa dang / gso ba med pa dang gang
194a2 zag med pa de la sems nges par sems pa'i sems dang ldan par lung bstan pa'o/ /ma byung ba dang ma skyes pa dang / rtsa ba med pa dang gnas med pa la gnas pa ni lung bstan pa'o/ /sems can thams cad
194a3 mtshungs par bdag med pa la mos pa ni lung bstan pa'o/ /chos thams cad mtshungs par chos dben par mthong ba ni lung bstan pa'o/ /zhing thams cad zhing du mtshungs par nam mkha' bzhin du dag cing dri ma med
194a4 pa'i sems dang ldan pa ni lung bstan pa'o/ /chos thams cad sangs rgyas kyi chos kyi dbyings dang dbyer med pa'i ye shes mthong ba ni lung bstan pa'o/ /bdud thams cad dang mtshungs par bdud kyi nyon
194a5 mongs pas kun nas nyon mongs pa can du mi 'gyur te/ rang bzhin gyis yongs su dag pa'i sems dang ldan pa ni lung bstan pa'o/ /stong pa nyid dang mtshan ma med pa la mi rtog par rnam par mi rtog la
194a6 mi len mi 'dor ba ni lung bstan pa'o/ /klu'i bdag po de ltar na sems dang / yid dang rnam par shes pa mi gnas pa lung bstan pa ji lta ba bzhin du chos thams cad kyang de dang 'dra ste dmigs su med do/ /
194a7 chos thams cad mnyam pa nyid ji lta ba bzhin du/ khong du chud pa ni byang chub yin te/ de la don dam par na gang gi lung bstan pa 'am/ gang gi byang chub 'am/ gang lung bstan par bya ba 'am/ gang gis
194a8 lung bstan pa 'am/ cis lung bstan pa ci yang mi dmigs so/ /klu'i bdag po de ci'i phyir zhe na/ chos thams cad ni dngos po med pa ste/ rtsa ba rnams yongs su chad pa'i phyir ro/ /chos thams cad ni bdag
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo