| e-texts navigator |
| བོད་ཡིག |
191b1 shing thams cad dang / las kyi mtha' thams cad dang / sa bon gyi tshogs thams cad dang / lo thog thams cad skye zhing rmo ba dang / shal bas bshal ba dang / 'byung ba rnams ni sa la gnas te/ de dag
191b2 gi gnas ni sa yin no/ /klu'i bdag po de bzhin du dge ba bcu'i las kyi lam 'di dag ni lha dang / mir skye ba dang / slob pa dang / mi slob pa'i dge sbyong gi 'bras bu 'thob pa dang / rang sangs rgyas kyi byang
191b3 chub dang byang chub sems dpa'i spyod pa thams cad dang / sangs rgyas kyi chos thams cad kyi gnas yin no/ /dge ba bcu'i las kyi lam la gnas pa zhes bya ba'i le'u ste/ drug pa'o// //
191b4 de nas bcom ldan 'das la klu'i rgyal po rgya mtshos 'di skad ces gsol to/ /bcom ldan 'das chos kyi sgor 'jug pa gang dang ldan na/ byang chub sems dpa' sngon gyi las kyi sgrib pa'i nongs pa
191b5 rnams spong zhing las kyi sgrib pa thams cad spangs nas kyang khyad par gyi gnas su mchi bar 'gyur ba'i chos kyi sgor 'jug pa gang lags/ bcom ldan 'das kyis bka' stsal pa/ klu'i bdag po
191b6 chos gcig gis las kyi sgrib pa thams cad rgyun chad par 'gyur te/ chos gcig po gang zhe na/ 'di lta ste/ sdom pa la gnas pa nyes pa byung ba 'chags pa ste gcig ni de yin no/ /klu'i bdag
191b7 po chos gnyis kyis las kyi sgrib pa rgyun chad par 'gyur te/ gnyis gang zhe na 'di lta ste/ tshul bzhin du chos la so sor rtog pa dang / da ltar byung ba mngon par 'du mi byed pa ste/ de gnyis so/ /
191b8 klu'i bdag po chos gsum gyis las kyi sgrib pa rgyun chad par 'gyur te/ gsum gang zhe na 'di lta ste/ rkyen gyi chos la 'jug pa'i shes pa la so sor rtog pa dang / mi gsar mi rnying ba'i chos la so sor
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo