rKTs

e-texts navigator

Volume

Page

191a₁ brgyan na sems can thams cad yongs su smin par byed par 'gyur ro/ /dran pa nye bar gzhags pas brgyan na lus dang tshor ba dang / sems dang chos la mkhas par 'gyur ro/ /yang dag pa'i
191a₂ spong bas brgyan na mi dge ba'i chos thams cad spong ba dang / dge ba'i chos thams cad yongs su rdzogs par 'gyur ro/ /rdzu 'phrul gyi rkang pas brgyan na lus dang sems yang dag par 'gyur ro/ /dbang po
191a₃ lngas brgyan na dad pa brtan pa dang / brtson 'grus brtan pa dang / rmongs pa med pa dang / sems las su rung ba dang / nyon mongs pa thams cad spong bar 'gyur ro/ /stobs kyis brgyan na rdzi ba med pa dang /
191a₄ dgra dang 'khrug pa thams cad nges par 'joms par 'gyur ro/ /byang chub kyi yan lag gis brgyan na chos thams cad yang dag pa ji lta ba bzhin du khong du chud par 'gyur ro/ /lam gyis brgyan na yang dag pa'i
191a₅ ye shes 'dren par 'gyur ro/ /zhi gnas kyis brgyan na nyon mongs pa thams cad cher gcod par 'gyur ro/ /lhag mthong gis brgyan na chos thams cad yang dag pa ji lta ba bzhin du yongs su shes par 'gyur
191a₆ ro/ /thabs kyis brgyan na 'dus byas dang / 'dus ma byas kyi bde ba yongs su rdzogs par 'gyur ro/ /klu'i bdag po mdor na dge ba bcu'i las kyi lam 'di dag kho nas de bzhin gshegs pa'i stobs bcu
191a₇ yongs su rdzogs pa dang / mi 'jigs pa bzhi yongs su rdzogs pa dang / sangs rgyas kyi chos thams cad yongs su rdzogs par 'gyur te/ klu'i bdag po de lta bas na dge ba bcu'i las kyi lam 'di dag rgyas
191a₈ par rnam par dbye ba dang / brgyan par brtson par bya'o/ /klu'i bdag po dper na grong dang grong khyer dang / grong rdal dang / ljongs dang / yul 'khor dang / rgyal po'i pho brang thams cad dang / rtswa dang / shing gel pa dang / sman dang /

_{iiif viewer powered by OpenSeadragon}

190b - 191b

Texts on this page