| e-texts navigator |
| བོད་ཡིག |
190a1 'gyur ro/ /ma byin par len pa spangs pa'i byang chub sems dpas sbyin pa byin na/ longs spyod che bar 'gyur zhing longs spyod mi 'phrog par yang 'gyur ro/ /byang chub sems dpa'i spyad pa spyod pa
190a2 na yang dge ba'i rtsa ba thams cad yang dag par bsgrubs pas bla na med pa thob par 'gyur ro/ /'dod pa la log par g.yem pa spangs pa'i byang chub sems dpas sbyin pa byin na longs spyod che bar 'gyur zhing chung ma mi
190a3 g.yem par yang 'gyur ro/ /byang chub sems dpa'i spyad pa spyod pa na yang de'i ma dang / bu dang chung ma la su yang chags pa'i sems kyis lta bar mi 'gyur ro/ /brdzun du smra ba spangs pa'i byang chub sems dpas sbyin
190a4 pa byin na/ longs spyod che bar 'gyur zhing longs spyod mi 'phrogs pa dang / skur pa 'debs pa med par 'gyur ba'i lam yang yongs su 'dzin par 'gyur ro/ /byang chub sems dpa'i spyad pa spyod pa na yang ji skad smras
190a5 pa de bzhin du byed de dam bcas pa brtan par 'gyur ro/ /phra ma spangs pa'i byang chub sems dpas sbyin pa byin na longs spyod che bar 'gyur zhing g.yog 'khor mi phyed par yang 'gyur ro/ /byang chub sems dpa'i
190a6 spyad pa spyod pa na yang bsam pa 'thun pas byang chub sems dpa'i g.yog 'khor 'thob bo/ /ngag rtsub po spangs pa'i byang chub sems dpas sbyin pa byin na longs spyod che bar 'gyur zhing tshig btsun par 'gyur la tshig
190a7 sun dbyung du med par yang 'gyur ro/ /byang chub sems dpa'i spyad pa spyod pa na yang the tsom thams cad gcod pa la mkhas par 'gyur ro/ /brnab sems spangs pa'i byang chub sems dpas sbyin pa byin na/ longs spyod
190a8 che bar 'gyur zhing longs spyod dang yongs su spyad pa rgya chen po dag la de'i sems 'jug par 'gyur ro/ /byang chub sems dpa'i spyad pa spyod pa na yang rgya chen po la mos shing dbang che bar grags par 'gyur ro/ /gnod sems
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo