rKTs

e-texts navigator

Volume

Page

189b₁ ba'i phyir de tshangs pa'i 'jig rten du skye bar dka' ba med pa ste/ brgyad po de dag go/ /dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de sems thogs pa med
189b₂ pa'i de bzhin gshegs pa lta bas chog mi shes par 'gyur ro/ /klu'i bdag po log par lta ba spangs pa'i skyes bu gang zag ni yon tan gyi chos bcu 'thob ste/ bcu gang zhe na/ bsam pa dge bar 'gyur zhing
189b₃ grogs po dge ba rnyed pa dang / las kyi rnam par smin pa la yid ches te/ srog gi phyir yang sdig pa'i las mi byed pa dang / lhar sangs rgyas 'dzin te gzhan lhar mi 'dzin pa dang / dge mtshan dang bkra
189b₄ shis su 'dzin pa med pas lta ba drang ba dang / grogs lha dang mi yin te/ dud 'gro'i skye gnas dang / gshin rje'i 'jig rten gyi grogs ma yin pa dang / bsod nams 'bar bas khyad par du 'gro ba dang /
189b₅ log pa thams cad med pas 'phags pa'i lam du zhugs pa dang / 'jig tshogs la lta ba las bskyod de sdig pa'i lta ba thams cad dang bral ba dang / sgrib pa med par mthong ba yin te/ yang dag par song
189b₆ ba yang dag par zhugs pa dang / lha dang mi rnams kyi nang na mi khom pa dang bral ba yin te bcu po de dag go/ /log par lta ba spangs pa'i dge ba'i rtsa ba de gal te bla na med pa yang dag par rdzogs pa'i byang chub tu
189b₇ yongs su sngo na/ des de byang chub thob pa na sangs rgyas kyi chos thams cad de la mngon sum du 'gyur zhing mngon par shes pa myur ba'i de bzhin gshegs par 'gyur ro/ /klu'i bdag po de la srog gcod pa spangs
189b₈ pa'i byang chub sems dpas sbyin pa byin na longs spyod che bar 'gyur zhing / tshe ring bar yang 'gyur ro/ /byang chub sems dpa'i spyad pa spyod pa na yang gzhan gyis gnod par bya ba thams cad las yang dag par 'da' bar

_{iiif viewer powered by OpenSeadragon}

189a - 190a

Texts on this page