| e-texts navigator |
| བོད་ཡིག |
188b1 pur 'gyur ba yin te/ brgyad po de dag go/ /brdzun du smra ba spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de bden pa'i rjes su 'jug pa'i tshig tu 'gyur ro/ /
188b2 klu'i bdag po phra ma spangs pa'i skyes bu gang zag ni mi phyed pa lnga 'thob ste/ lnga gang zhe na/ gzhan gyis gnod par bya ba dang bral bas lus mi phyed pa 'thob pa dang / gzhan dag gi la chags pa med pas g.yog 'khor
188b3 mi phyed pa 'thob pa dang / las kyi rnam par smin pa mthong bas dad pa mi phyed pa 'thob pa dang / sgrub pa snying por byed pas chos las mi phyed pa 'thob pa dang / mi slu bas mdza' bshes mi phyed pa 'thob pa ste/ lnga po de dag go/ /
188b4 dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de g.yog 'khor mi phyed pa'i de bzhin gshegs pa dgra bcom pa yang dag par rdzogs pa'i sangs rgyas su 'gyur te/
188b5 de'i 'khor bdud dang phas kyi rgol ba thams cad kyis dbye bar mi nus so/ /klu'i bdag po ngag rtsub po spangs pa'i skyes bu gang zag ni ngag yongs su dag pa brgyad 'thob la/ shi 'phos na yang lha dang mi rnams kyi nang du
188b6 skye bar 'gyur te/ brgyad gang zhe na/ 'di lta ste/ ran pa'i tshe dang / phan pa'i tshig dang / rigs pa'i tshig dang / 'jam pa'i tshig dang / gzung ba'i tshig dang / mnyan pa'i tshig dang / skye bo mang po dga' ba'i tshig dang /
188b7 mi smad pa'i tshig ste/ brgyad po de dag go/ /dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de tshangs pa'i sgra skad kyi gdangs can gyi de bzhin gshegs par 'gyur ro/ /klu'i
188b8 bdag po tshig kyal pa spangs pa'i skyes bu gang zag ni gcig tu nges pa gsum 'thob ste/ gsum gang zhe na/ mkhas pa rnams gcig tu nges par dga' ba dang / lan legs par glon pas gcig tu nges par de'i blo bden pa
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo