rKTs

e-texts navigator

Volume

Page

188a₁ 'ong zhing dga' ba yin/ dogs pa med pa yin/ phyogs dang phyogs mtshams su de'i bsngags pa brjod cing de la pha rol gyi gnod pas 'jigs pa med pa yin/ de'i sems sbyin pa'i bgo bsha' la 'jug pa
188a₂ yin te lnga po de dag go/ /ma byin par len pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de de bzhin gshegs pa nye ba'i nyon mongs pa can ma yin pa'i ye shes
188a₃ can du rang gis mngon par rtogs nas bla na med pa yang dag par rdzogs pa'i byang chub mngon par rdzogs par 'tshang rgya'o/ /klu'i bdag po 'dod pas log par g.yem pa spangs pa'i skyes bu gang zag ni mkhas pas
188a₄ bsngags pa'i chos bzhi 'thob ste/ bzhi gang zhe na/ dbang po bsdams pa dang / rgol ba las yang dag par 'das pa dang / 'jig rten thams cad kyis bsngags pa dang / chung ma mi 'phrogs pa ste bzhi po de dag
188a₅ go/ /'dod pa la log par g.yem pa spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs su sngo na/ des de skyes bu chen po'i mtshan mdoms kyi sba ba sbubs su nub pa 'thob bo/ /
188a₆ klu'i bdag po brdzun du smra ba spangs pa'i skyes bu gang zag ni lha dang mis bsngags pa'i chos brgyad 'thob ste/ brgyad gang zhe na/ ud be la'i dri 'byung bas kha dog yongs su dag pa 'thob pa dang / 'jig rten thams cad
188a₇ kyi tshad mar 'gyur ba dang / lha dang mi las dpang gcig pur 'gyur ba dang / yang dag pa'i bsam pa dang ldan pas dogs pa med par 'gyur ba dang / lhag pa'i bsam pa phun sum tshogs pas lus dang ngag dang sems
188a₈ yongs su dag par 'gyur ba dang / tshig 'khrul pa med pas mchog tu dga' ba mang bar 'gyur ba dang / tshig gzung bar 'os pas ngag mnyan par 'gyur ba dang / shes rab thob pas lha dang mir skyes na yang dpang gcig pur

_{iiif viewer powered by OpenSeadragon}

187b - 188b

Texts on this page