| e-texts navigator |
| བོད་ཡིག |
187b1 'di lta ste/ srog gcod pa spong ba dang / ma byin par len pa spong ba dang / 'dod pas log par g.yem pa spong ba dang / brdzun du smra ba spong ba dang / phra ma spong ba dang / ngag rtsub po spong ba dang / tshig kyal pa spong ba
187b2 dang / rnab sems spong ba dang / gnod sems spong ba dang / log par lta ba spong ba ste/ de ni rtsa ba'i rten ces bya'o/ /klu'i bdag po de la srog gcod pa spangs pa'i skyes bu gang zag ni rab tu zhi bar byed pa'i chos bcu
187b3 thob ste/ bcu gang zhe na 'di lta ste/ des sems can thams cad la mi 'jig pa byin pa yin/ de'i sems byams par dmigs pa la gnas pa yin/ de'i zhe sdang gi bag chags yang dag par chad pa yin/
187b4 des nad nyung bar 'gyur ba'i lam yongs su bzung ba yin/ des tshe ring bar 'gyur ba'i sa bon btab pa yin/ de la mi ma yin pa rnams kyang srung ba dang / bskyab pa dang / sbed par byed pa yin/ bde bar nyal zhing
187b5 bde bar sad pa dang / sdug pa'i rmi lam mi rmi ba yin/ gnyid log pa na yang de la lha rnams srung ba yin/ de la shar gnyer ba med pa yin te/ de la shar gnyer ba'i bag la nyal ba med pa yin/ ngan 'gro thams
187b6 cad kyis mi 'jigs pa dang / shi 'phos nas kyang bde 'gro mtho ris kyi 'jig rten du skye ba yin te/ rab tu zhi bar byed pa'i chos bcu po de dag 'thob bo/ /srog gcod pa spangs pa'i dge ba'i rtsa ba de gal te/ bla na med
187b7 pa yang dag par rdzogs pa'i byang chub tu yongs su sngo na/ des de byang chub thob pa na tshe'i tshad sems kyi dbang du 'gyur ro/ /klu'i bdag po ma byin par len pa spangs pa'i skyes bu gang zag ni yid brtan pa'i chos lnga
187b8 'thob ste/ lnga gang zhe na/ longs spyod che bar yang 'gyur la/ de'i longs spyod de dag kyang rgyal po dang / chom rkun dang / chu dang / me dang bgo skal la spyod pa'i mi mdza' ba rnams kyis mi 'phrogs pa yin/ skye bo mang po'i yid du
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo