| e-texts navigator |
| བོད་ཡིག |
187a1 lus dang ngag dang / yid kyi las sna tshogs kyis sna tshogs su byas pa dag ste/ klu'i bdag po de lta bas na khyod kyis las bdag gir bya ba dang / las kyi rnam par smin pa la rton par 'gyur ba de ltar slobs
187a2 shig dang / las bdag gir bya ba dang / las kyi rnam par smin pa la rton pa khyed/ dge ba'i las mngon par 'du bya ba dag la blo 'jug par 'gyur ro/ /lta ba chud gson par byed par mi 'gyur ro/ /chad par lta ba dang /
187a3 rtag par lta ba la gnas par yang mi 'gyur ro/ /khyed kyis sbyin pa'i gnas rnams mnyes par gyis shig /mnyes par byas nas kyang thugs phyung bar ma byed cig /bkur sti'i rgyu las byung ba'i dge ba'i rtsa ba mngon par
187a4 'du byed pas kyang lha dang bcas pa'i 'jig rten gyi bkur sti'i gnas su 'gyur bar gyis shig / // bam po lnga pa/ klu'i bdag po byang chub sems dpa' rnams chos gcig gis ngan song ngan 'gro log par ltung bar
187a5 skye ba yang dag par gcod do/ /chos gcig po de gang zhe na/ 'di lta ste/ bdag ji ltar gyur cing nyin mtshan 'da' zhing 'dug snyam du dge ba'i chos rnams la so sor rtog pa ste/ de dge ba'i chos la so sor rtog pa mang
187a6 bas mi dge ba'i sems dang sems las byung ba'i chos rnams kyi go skabs mi 'byed do/ /de mi dge ba'i chos spangs te dge ba'i chos dang ldan pas bsam pa dge ba'i sems can 'di lta ste/ sangs rgyas rnams
187a7 dang / byang chub sems dpa' rnams dang 'grogs pa rnyed par 'gyur ro/ /klu'i bdag po de la dge ba'i chos de dag gang zhe na/ dge ba'i chos rnams shes bya ba ni lha dang mi'i skye dgu'i phun sum tshogs pa'i rtsa ba'i rten to/ /
187a8 nyan thos dang rang sangs rgyas kyi byang chub kyi rtsa ba'i rten to/ /bla na med pa yang dag par rdzogs pa'i byang chub kyi rtsa ba'i rten to/ /rtsa ba'i rten kyang gang zhe na/ 'di lta ste dge ba bcu'i las kyi lam rnams te/ bcu gang zhe na/
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo