| e-texts navigator |
| བོད་ཡིག |
185b1 rga nad sdug bsngal rab tu grol mdzad pa/ /'gro ba'i don mdzad nyon mongs spong mdzad pa/ /rgyal bar 'os pa bdud 'joms rgyal ba po/ /skye ba mi bzad de nyid ston mdzad pa/ /dgra bcom
185b2 dgra'i tshogs rnams rab 'joms pa/ /lha las 'das pa lha mang rnams kyi mchod/ /khyod ni rtag tu bzhes pa'i 'os kyi mchog /skye dgu kun mchog 'dren pa bzang po lags/ /de nas lha'i bu mo dang /
185b3 klu'i bu mo dang / lha ma yin dang / mi 'am ci dang / nam mkha' lding dang / lto 'phye chen po dang / dri za'i bu mo de dag gis bcom ldan 'das la tshigs su bcad pa 'di rnams kyis mngon par bstod nas thams
185b4 cad gcig tu mthun par gyur pas bla na med pa yang dag par rdzogs pa'i byang chub tu sems bskyed nas rang rang gis rgyan rnams/ bcom ldan 'das kyi sku la gsol to/ /de nas bcom ldan 'das mthar
185b5 gyis rgya mtsho chen por gshegs te/ rgya mtsho chen po'i gting gi dkyil gyi gnas klu'i rgyal po rgya mtsho'i 'khor gyi khyams bkod pa ga la der gshegs nas/ seng ge'i khri de la bzhugs so/ /dge slong
185b6 gi dge 'dun rnams dang / byang chub sems dpa' rnams kyang stan ji ltar bshams pa de dag la 'khod do/ /de nas klu'i rgyal po rgya mtshos bcom ldan 'das dang / dge slong gi dge 'dun dang / byang chub sems
185b7 dpa' rnams bzhugs par rig nas bcas/ chung ma dang bcas/ gnyen mdab dang 'khor dang bcas pas rang gi lag gis zhal zas ro brgya dang ldan pa/ bsod pa mang pos tshim par byed cing ci bzhes pa stobs par
185b8 byed do/ /tshim par byas shing ci bzhes pa bstabs nas/ bshos gsol lags te/ stsang sder gyu ba dang phyag bcabs par rig nas chos mnyan pa'i phyir klu'i rgyal po rgya mtsho lha dang / klu dang gnod sbyin
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo