| e-texts navigator |
| བོད་ཡིག |
185a1 gzhan la phan pa zla med thugs su chud/ /chags pa med par tshig gi don ston pa/ /gzhan la phan pa dpe med 'od mdzad pa/ /dus skabs mkhyen pa kun tu ston pa po/ /rgol ba ngan pa'i tshogs
185a2 kun rab 'joms pa/ /brtul zhugs yongs su rdzogs pa brtul zhugs mchog /bdud rtsi'i bde skyid bde ba sbyin mdzad pa/ /nam mkha' 'dra zhing dgongs pa dag pa ste/ /dri ma kun sel rnam par
185a3 'dren pa po/ /yon tan rgya mtsho bsod nams mi zad pa/ /rgya mtshor 'jug pa ye shes rgya mtshor ldan/ /chos kyi dbang phyug nyon mongs sel mdzad pa/ /chos kyi sbyin bdag ser sna mi mnga' ba/ /
185a4 chos kyi rin chen nor mchog sbyin mdzad pa/ /chos mchog ye shes de nyid ston pa po/ /dga' ba ston pa bde ba ston mdzad pa/ /bag la nyal gyi nyes pa spong ba ston/ /ri yi dbang po bzhin du mi g.yo ba/ /
185a5 de bzhin gshegs pa khyod la mgos phyag 'tshal/ /mi dang lha dang mkha' lding gsang ba pa/ /lha min srin po mi 'am ci yi bdag /klu rnams dang ni grul bum gnod sbyin rnams/ /khyod kyi zhabs la mgo
185a6 bos phyag kyang 'tshal/ /mtshan mchog sum bcu rtsa gnyis ldan pa ste/ /rab mdzes shin tu dpe med ston mdzad pa/ /gser gyi mdog can dpal ldan mdog sdug pa/ /sen mo zangs 'dra mdog sdug phyag
185a7 mthil mnyam/ /ka la ping ka'i gdangs can ya mtshan gsung / /tshangs pa lha dbang gdangs can gdangs kyi mchog /gsung gis stong gsum so sor 'gengs par mdzad/ /'jam mnyen gsung ldan
185a8 khyod la phyag 'tshal lo/ /dbang po dul zhing thugs kyang dul ba ste/ /zhal ras zla ba 'dra zhing spyan legs pa/ /rtag tu bden pa gsung zhing mnyam par bzhag /rtag tu chos 'dzin khyod la phyag 'tshal lo/ /
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo